پاکستان کی نامور اداکارہ و میزبان جویریہ سعود نے کراچی سے لاپتہ ہونے والی لڑکی دُعا زہرہ کے والدین کو مشورہ دے دیا۔

اداکارہ نے فوٹو اینڈ ویڈیو شیئرنگ ایپ انسٹاگرام پر دُعا زہرہ کی حالیہ تصویر شیئر کرتے ہوئے لکھا کہ الحمداللّہ! دُعا خیریت سے ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Javeria Saud (@javeria_saud_official)

Advertisement

انہوں نے لکھا کہ والدین سے میری گزارش ہے کہ گھر میں بیٹیوں کے لیے ایسے حالات پیدا نہ کریں کہ اُنہیں اپنا گھر دوزخ لگنے لگے اور وہ جنت کی تلاش میں مجبوراً گھر سے باہر قدم نکال دیں۔

جویریہ سعود نے لکھا کہ اللّہ تعالیٰ سب بیٹیوں کے نصیب اچھے کرے، آمین۔

یاد رہے کہ کراچی سے لاپتہ ہونے والی دعا زہرہ نے اپنے ویڈیو بیان میں کہا ہے کہ میں اپنے گھر میں خاوند کے ساتھ بہت خوش ہوں، خدارا مجھے تنگ نہ کیا جائے۔

ویڈیو پیغام میں دعا زہرہ کا کہنا تھا کہ میں نے اپنی مرضی سے ظہیر احمد سے شادی کی ہے،میرے گھر والے مجھے مارتے تھے، زبردستی کسی اور سے شادی کروانا چاہتے تھے جس پر میں راضی نہیں تھی۔

دوسری جانب گزشتہ روز دعا زہرہ کو سخت سیکیورٹی میں لاہور کی ماڈل ٹاؤن کچہری میں پیش کیا گیا تھا جہاں اس نے اپنا بیان قلم بند کروا دیا ہے، عدالت نے حکم میں کہا ہے کہ دعا زہرہ جہاں جانا چاہے جا سکتی ہے۔