پاکستان شوبز انڈسٹری کی کئی نامور شخصیات نے اپوزیشن کی تحریک عدم اعتماد کے خلاف وزیرِاعظم عمران خان کی حمایت کردی۔

پاکستانی اداکارہ سائرہ یوسف نے اپنی انسٹا اسٹوری پر عمران خان کے ساتھ اظہارِ یکجہتی کرتے ہوئے لکھا کہ آپ اپنے لوگوں کے ذریعے منتخب ہوئے تھے۔

اداکارہ نے لکھا کہ وہ ہمیشہ عمران خان کا ہی اتنخاب کریں گی۔

پاکستانی اداکار شان شاہد نے مائیکرو بلاگنگ ویب سائٹ ٹوئٹر پر وزیرِ اعظم عمران خان کی ایک مونو کروم فوٹو شیئر کی۔

اداکار نے اپنے ٹوئٹ میں عمران خان کو مشرق کا شیر قرار دیتے ہوئے لکھا کہ اس حلف کو یاد رکھیں، ان الفاظ کو یاد رکھیں، اس جدوجہد کو یاد رکھیں اور ایک سچے لیڈر کو یاد رکھیں جو ہم سب کے لیے لڑ رہا ہے۔

https://twitter.com/mshaanshahid/status/1509497491552571395?ref_src=twsrc%5Etfw%7Ctwcamp%5Etweetembed%7Ctwterm%5E1509497491552571395%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1068980

اداکار بلال قریشی اور اداکارہ ایمن خان نے بھی اپنے انسٹا گرام اکاؤنٹس پر عمران خان کی حمایت میں ایک پوسٹ شیئر کی ہے۔

اس پوسٹ میں لکھا کہ ہم پاکستان اور عمران خان کے لیے لڑیں گے۔

اداکار علی عباس نے اپنے انسٹاگرام اکاؤنٹ پر اپوزیشن کے خلاف عمران خان کی حمایت کرتے ہوئے لکھا کہ جب سب گندے انڈے ایک طرف اکھٹے ہوگئے ہیں تو ایک اچھی قوم کو کیا کرنا چاہئیے۔

اُنہوں نے لکھا کہ اگر اس بار ان گندے انڈوں کو نہ توڑا تو شرم سے ڈوب مرنے کا مقام ہوگا۔

اداکار نے لکھا کہ وہ عمران خان کے ساتھ ہیں کیونکہ وہ غلام نہیں بن سکتے،آپ بھی اس ذہنی غلامی سے نکلیں۔

نامور ڈرامہ نگار خلیل الرحمٰن قمر نے بھی مائیکرو بلاگنگ ویب سائٹ پر عمران خان کی حمایت میں لکھا کہ بائیس کروڑ کی فوج کا سالار بننے کا وقت ہے، چیف صاحب۔

اُنہوں نے لکھا کہ ملک کو غلامی سے نکالنے کے لئے وزیراعظم کے ساتھ ڈٹ جائیں، تاریخ کاغذ قلم لیے آپ کے سامنے کھڑی ہے، یاد رکھیے گا وقت بس عارضی رتبے دیتا ہے جبکہ تاریخ صدیوں کا وقار اور مقام دیتی ہے۔

بائیس کروڑ کی فوج کا سالار بننے کا وقت ہے چیف صاحب

ملک کو غلامی سے نکالنے کیلئے وزیراعظم کے ساتھ ڈٹ جائیے
تاریخ کاغذ قلم لئیے آپکے سامنے کھڑی ہے
یاد رکھئیے گا وقت بس عارضی رتبے دیتا ہے
تاریخ صدیوں کا وقار اور مقام دیتی ہے

— Khalil Ur Rehman Qamar (@KrqOfficial) March 31, 2022

اداکار شہروز سبزواری نے بھی وزیرِ اعظم عمران خان کے ساتھ یکجہتی کا اظہار کیا ہے۔

اس سے قبل ہمایوں سعید، احمد علی اکبر، ماہرہ خان، مایا علی اور دیگر نے بھی اپوزیشن کے خلاف وزیرِ اعظم عمران خان کی حمایت میں اپنی آواز اٹھائی ہے۔