بیلا حدید فلسطینیوں پر ہونے والے تشدد کے واقعے پر برہم

ویب ڈیسک

30th May, 2022. 01:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیلا حدید فلسطینیوں پر ہونے والے تشدد کے واقعے پر برہم

فلسطینی نژاد امریکی سپر ماڈل بیلا حدید نے ہفتے کے روز اسرائیلی فورسز کی جانب سے فلسطینیوں پر ہونے والے تشدد کے واقعے پر برہمی کا اظہار کیا ہے۔

بیلا حدید نے اپنے آفیشل اکاؤنٹ انسٹاگرام پر اسرائیلی ڈیفنس فورسز (IDF) کے فلسطینیوں پر تشدد کرتے ہوئے ایک وائرل ویڈیو شیئر کی ہے۔

وائرل ویڈیو مسجد اقصیٰ میں ہفتے کے روز ہونے والے واقعے کی ہے، جب اسرائیلی ڈیفنس فورسز نے مسجد اقصیٰ پر دھاوا بولا اور مسجد کے احاطے کے اندر داخل ہوکر اشتعال انگیز مارچ کی۔

انہوں نے یہ ویڈیو شیئر کرتے ہوئے لکھا کہ جارحیت اسرائیلی ڈیفنس فورسزکی زبان ہے۔

ماڈل نے لکھا کہ آپ یہ دکھاوا کیسے کرتے ہیں کہ آپ وہاں حفاظت کے لیے موجود ہیں؟ یہ انتہائی نامعقول ہے اور یہ سب مجھے صرف شدید غصّہ دلاتا ہے۔

یاد رہے کہ غیر ملکی میڈیا کی رپورٹ کے مطابق ہفتے کے روز جنونی اسرائیلی آباد کار پولیس کی بھاری نفری کے ساتھ مسجد اقصیٰ کے احاطے کے اندر داخل ہوئے اور اشتعال انگیز مارچ کی۔

مسلمانوں نے اسرائیلی آباد کاروں کے مسجد اقصیٰ کے احاطے میں اشتعال انگیز دورے کی مخالفت میں شدید نعرے بازی کی جبکہ صیہونی لیڈر کے ساتھ آنے والی پولیس نے بھی مسلمانوں پر تشدد کیا۔