اداکارہ سوناکشی نے مداحوں کو اپنی منگنی کا راز بتادیا

ویب ڈیسک

13th May, 2022. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ سوناکشی نے مداحوں کو اپنی منگنی کا راز بتادیا

بھارتی اداکارہ سوناکشی سنہا نے مداحوں کو اپنی منگنی سے متعلق ہونے والی قیاس آرائیوں کے بارے میں بتادیا۔

کچھ روز قبل اداکارہ نے اپنے انسٹا گرام پر متعدد تصاویر شیئر کی تھیں جن میں وہ بائیں ہاتھ میں ہیرے کی انگوٹھی پہنی ہوئی تھیں۔

ان تصاویر میں ایک شخص بھی موجود تھا جسے دیکھ کر ان کے پرستاروں میں منگنی کو لے کر تجسس پیدا ہوگیا۔

تاہم اب انہوں نے نئی تصویر شیئر کرتے ہوئے لکھا ہے کہ میں نے آپ لوگوں کو بہت تڑپا لیا۔

اداکارہ نے لکھا کہ میں نے کافی ساری نشانیاں چھوڑیں جبکہ تصاویر میں کوئی جھوٹ نہیں بولا گیا تھا، ان کی زندگی کا یہ بڑا دن ہے کیونکہ وہ آج اپنا برانڈ لانچ کرنے جارہی ہیں، جس کا نام سوزی ہے۔

سوناکشی نے تصویر کی وجہ بھی بتائی کہ وہ اس میں برانڈ سوزی کے ناخن دکھانے کی کوشش کر رہی تھیں۔

انہوں نے بتایا کہ ان کا یہ برانڈ ہر لڑکی کے لیے ون اسٹاپ شاپ ہے جہاں یہ حسین نقلی ناخن ملیں گے، ان کے بڑے خوابوں سے ایک سچ ہونے جارہا ہے کیونکہ انہوں نے انٹرپرینیورشپ کی دنیا میں قدم رکھ دیا ہے۔