پاکستان شوبز انڈسٹری کی اداکارہ ایمن سلیم نےعامر لیاقت حسین کو زبردست انٹرٹینر کہہ دیا۔

 اداکارہ ایمن سلیم نے حال ہی میں دیے گئے انٹرویو میں میزبان نے سوال کیا کہ’اگر آپ کسی جزیرے پر پھنس جائیں تو آپ اپنے ساتھ کس کو لے کرجائیں گی؟‘

میزبان کی جانب سے کیے جانے والے سوال کے جواب میں اداکارہ ایمن سلیم نے کہا کہ’ایسے میں ظاہر ہے وہ بہت ساری کافی اپنے ساتھ لے کر جائیں گی‘۔

اُنہوں نے مزید کہا کہ’اور بہت ساری چیپ اسٹکس ساتھ لے کر جائیں گی  کیونکہ ان کے ہونٹ اکثر خشک رہتے ہیں‘۔

یہ جواب سن کر میزبان نے کہا کہ’آپ جزیرے پر پھنسی ہوئی ہوں گی تو شاید وہاں آپ کے ہونٹ خشک نہ ہوں‘۔

جس پر ایمن سلیم نے کہا کہ’لیکن پھر بھی میں چیپ اسٹکس ساتھ نہ لے کر جانے والا خطرہ مول نہیں لے سکتی‘۔

انہوں نے کہا کہ’ اور شاید میں اپنے ساتھ عامر لیاقت حسین کو بھی لے جاؤں‘۔

میزبان یہ سن کر بہت حیران ہوئیں اور وجہ پوچھی تو ایمن سلیم نے کہا کہ’ایمانداری سے بتاؤں تو مجھے لگتا ہے کہ عامر لیاقت کے آس پاس بوریت والا کوئی لمحہ نہیں ہوتا ہے تو میں انٹرٹین ہوں گی‘۔

اُنہوں نے مزید کہا کہ’ تو آپ سوچیں کہ جب میں اکیلی ہوں گی اور چاہوں کوئی انٹرٹینمنٹ کے لیے ہو تو میں خود تو اپنے آپ کو انٹرٹین نہیں کرسکتی تو عامر لیاقت ایک اچھے انٹرٹینر ہیں‘۔

تاہم ایمن سلیم نے کہا کہ’مجھے امید ہی لوگ اس بات کو عامر لیاقت کی تعریف ہی سمجھیں گے‘۔

واضح رہے کہ ایمن سلیم سے پہلے اداکار یاسر حسین نے بھی عامر لیاقت کو بہترین انٹرٹینر قرار دیا تھا۔