علی ظفر پاکستان کے معروف ترین گلوکار ہیں اور صرف پاکستان ہی نہیں بلکہ دنیا بھر میں ان کے مداح موجود ہیں، جب بات کی جائے دنیا بھر کی تو اس میں ہمارا پڑوسی اور حلیف ملک بھارت بھی شامل ہے۔

اب بھارت میں ہی موجود ایک پرستار نے ان کے ایک گانے کو اہمیت نہ دینے پر علی ظفر سے معافی مانگ لی ہے۔

میشا پوروال ایک سوشل میڈیا اسٹریٹیجسٹ اور کانٹینٹ رائٹر ہیں جن کا تعلق بھارت سے ہے۔

انہوں نے علی ظفر کے نام ایک ٹویٹر پیغام جاری کیا ہے۔

علی ظفر کو مخاطب کرتے ہوئے میشا پوروال نے لکھا، “پیارے علی ظفر! میں 90 کی دہائی میں صرف ایک بچی تھی، میں معذرت خواہ ہوں کہ آپ کے گانے ”دل جھوم جھوم “ کو وہ پیار نہ دے سکی جس کا وہ حق دار تھا۔”

Dear @AliZafarsays, I am a 90s kid and I am sorry for not giving enough love to Dil Jhoom Jhoom during its time.

— Misha Porwal (@porwal_misha) May 12, 2022

علی ظفر نے اپنی بھارتی پرستار کے بیان کو سراہتے ہوئے کہا، “کوئی بات نہیں ابھی بھی بہت دیر نہیں ہوئی۔”

Advertisement

Never too late 🙂 https://t.co/1YRIhncZAl

— Ali Zafar (@AliZafarsays) May 13, 2022

خیال رہے کہ ”دل جھوم جھوم“ 2011 میں یش راج فلمز کی جانب سے ریلیز کیا گیا تھا جو علی ظفر کے یادگار گیتوں میں سے ایک ہے۔

دوسری جانب علی ظفر کے دیگر مداحوں نے ان کے سدا بہار گانوں کو بھی یاد کیا جن میں “چل دل میرے”، “سن رے سجنیا” وغیرہ شامل ہیں۔