پنجابی گلوکار سدھو موسے والا کی آخری رسومات پر والد کی اس حرکت نے لوگوں کو رونے پر مجبور کردیا۔

گلوکار کی آخری رسومات کے موقع پر ان کے والد نے اپنی پگڑی اتار کر ہجوم کی طرف کی، بعض لوگوں کا کہنا ہے کہ  آنجہانی گلوکار کے والد نے اپنے سر سے پگڑی اتار کر لوگوں کی طرف لہرائی جس کا مطلب ہے کہ میرا سب کچھ لٹ گیا۔

قتل ہونے والے سدھو موسے والا کی آخری رسومات پوسٹ مارٹم کے بعد ادا کی گئیں، پوسٹ مارٹم رپورٹ میں انکشاف ہوا ہے کہ آنجہانی گلوکار کو 24 گولیاں ماری گئیں۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Instant Bollywood (@instantbollywood)

Advertisement

گلوکار کی آخری رسومات ان کے آبائی گاؤں جواہر کے میں ادا کی گئیں، یہ وہی گاؤں ہے جہاں انہیں قتل کیا گیا، اس موقع پر ہزاروں کی تعداد میں لوگ آخری رسومات میں شریک تھے جبکہ پولیس کی بھاری نفری بھی تعینات کی گئی تھی۔

یاد رہے کہ سدھو موسے والا کو اتوار کی شام گولیاں مار کر قتل کردیا گیا جب وہ بھارتی پنجاب سے اپنے لیے سیکیورٹی واپس لینے کی درخواست دینے جا رہے تھے جبکہ ان کے قتل سے ایک دن قبل ہی بھارتی ریاست پنجاب کی حکومت نے سدھو موسے والا سمیت 424 افراد کی سیکیورٹی واپس لی تھی۔

بھارتی میڈیا رپورٹس کے مطابق سنگھ سدھو موسے والا کا قاتل کینیڈا کا گینگسٹر ہے۔

پنجاب پولیس کا کہنا ہے کہ سدھو موسے والا پر حملہ گینگ وار کا شاخسانہ لگتا ہے۔

پولیس کے مطابق کینیڈا کا لارنس بشنوئی گینگ اس قتل میں ملوث ہے، گینگ کے رکن لکی نے کینیڈا سے اس حملے کی ذمہ داری قبول کی ہے۔

دوسری جانب سدھو موسےوالا کے والد نے انکشاف کیا ہے کہ گلوکار کو کچھ عرصے سے نامعلوم افراد کی جانب سے تاوان کی کالیں آ رہی تھیں۔

والد نے کہا کہ اتوار کو میرا بیٹا اپنے دوستوں گروندر سنگھ اور گرپریت سنگھ کے ساتھ کار میں روانہ ہوا تھا، اس وقت شبھ دیپ بلٹ پروف فارچونر اور دو گارڈز کو اپنے ساتھ لینے کے بجائے گھر سے نہتا نکلا تھا۔