منشیات کیس میں گرفتار سدھانت کپور ضمانت پر رہا

ویب ڈیسک

14th Jun, 2022. 11:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منشیات کیس میں گرفتار سدھانت کپور ضمانت پر رہا

بالی ووڈ کے سینئر اداکار شکتی کپور کے بیٹے سدھانت کپور منشیات کیس میں ضمانت پر رہا کردیے گئے۔

غیر ملکی خبر رساں ادارے کے مطابق شکتی کپور کے بیٹے سدھانت کپور کو منشیات کیس میں گرفتار کیا گیا تھا۔

پولیس کے مطابق دیگر چار گرفتار ملزمان کو بھی ضمانت پر رہا کردیا گیا ہے۔

اس حوالے سے ڈپٹی کمشنر بھیما شنکر گلڈ نے بتایا کہ سدھانت کپور سمیت دیگر چار ملزمان کو پولیس کے سامنے مزید پیش ہونا پڑے گا۔

ڈپٹی کمشنر کا کہنا ہے کہ سدھانت کپور کی میڈیکل رپورٹ مثبت آنے پر انہیں گرفتار کیا گیا اور قانونی کارروائی کے مطابق انہیں جوڈیشل تحویل میں لیا جاسکتا ہے۔

واضح رہے کہ شکتی کپور کے بیٹے سدھانت کپور کو مبینہ طور پر منشیات کے معاملے میں بنگلور میں حراست میں لیا گیا ہے۔

اداکار شکتی کپور کے بیٹے سدھانت کپور کو اتوار کی رات بنگلور کے پارک ہوٹل میں منعقدہ ایک پارٹی میں ڈی جے کے طور پر مدعو کیا گیا تھا جہاں انہوں نے مبینہ طور پر منشیات کا استعمال کیا تھا۔

تاہم یہ نہیں معلوم کہ آیا انہوں نے ہوٹل میں منشیات لی تھی یا باہر منشیات لے کر پارٹی میں آئے تھے۔