بھارتی پنجاب کے مشہور گلوکار سدھو موسے والا اس سال نومبر میں شادی کے بندھن میں بندھنے والے تھے۔
بھارتی اخبار انڈیا ٹوڈے کے مطابق سدھو کی منگنی کینیڈین امندیپ کور سے ہوئی تھی اور ان کا رشتہ تقریباً 2 سال قبل طے ہوا تھا۔
رپورٹ میں بتایا گیا ہے کہ امندیپ کا تعلق سنگاریڈی گاؤں سے ہے، ابتدائی طور پر شادی اس سال اپریل میں ہونا تھی تاہم مارچ 2022 میں ہونے والے بھارتی پنجاب اسمبلی کے انتخابات میں سدھو موسے والا کے ہارنے کے بعد شادی نومبر میں منتقل کر دی گئی تھی۔
گلوکار کی والدہ چرن کور نے بھی اس بات کی تصدیق کی تھی کہ سدھو موسے والا پنجاب اسمبلی انتخابات کے بعد شادی کے بندھن میں بندھنے والے تھے اور ہم ان کی شادی کی تیاری کر رہے تھے جو انتخابات کے بعد ہونی تھی۔
یاد رہے کہ سدھو موسے والا کو 29 مئی کو قتل کر دیا گیا تھا ،وہ 11 جون کو 29 سال کے ہونے والے تھے لیکن اس سے قبل ہی وہ اس جہان فانی سے کوچ کر گئے ۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
