گلوکار شبھ دیپ سنگھ سدھو عرف سدھو موسے والا کی موت کے انتقام سے متعلق پوسٹ سوشل میڈیا پر وائرل ہوگئی۔

غیر ملکی خبر رساں ادارے کے مطابق بھارتی ویب سائٹ ’انڈیا ٹوڈے‘ کی جانب سے دعویٰ کیا گیا ہے کہ نیرج بوانا نامی ایک گینگسٹر کی جانب سے سدھو موسے والا کی موت کا انتقام لینے کا اعلان کیا گیا ہے.

 نیرج بوانا ایک نامور گینگسٹر ہے جس کے کارندے دہلی، ہریانہ، پنجاب اور راجستھان میں پھیلے ہوئے ہیں۔

تاہم یہ واضح نہیں ہے کہ یہ فیس بُک پوسٹ کس نے لکھی ہے لیکن اس پوسٹ کے سارے سرے نیرج بوانا سے ہی ملتے ہیں۔

وائرل ہونے والی پوسٹ میں لکھا گیا ہے کہ ’سدھو موسے والا دل میں دھڑکتا تھا اور  بھائی تھا، دو دن میں نتیجہ دے دیں گے۔‘

مزکورہ پوسٹ میں نیرج بوانا کو ٹیگ کیا گیا ہے، نیرج بوانا جنہیں قتل اور تاوان کے کئی مقدمات کا سامنا ہے اس وقت تہاڑ جیل میں قید ہیں۔

سدھو موسے والا کی پوسٹ مارٹم رپورٹ 5 ڈاکٹروں پر مشتمل ایک پینل کی جانب سے مرتب کی گئی۔

واضح رہے کہ گلوکار کے آخری گانے، ’’دی لاسٹ رائڈ‘‘ میں یہ سطر شامل تھی کہ ’اس آدمی کے چہرے کی چمک آپ کو بتاتی ہے کہ وہ جوانی میں مر جائے گا۔‘

یہ گانا امریکی ریپر ٹوپاک شکور کو خراج عقیدت کے طور پر پیش کیا گیا تھا، جنہیں 1996 میں 25 سال کی عمر میں ان کی کار میں گولی مار کر ہلاک کر دیا گیا تھا۔