بالی ووڈ کے معروف گلوکار کرشنا کمار عرف کے کے کی ابتدائی میڈیکل رپورٹ کے مطابق اُن کی موت حرکتِ قلب بند ہونے سے ہوئی۔

غیر ملکی خبر رساں ادارے کے مطابق نے کولکتہ پولیس کو اپنی ابتدائی رپورٹ میںSSKM اسپتال نے بتایا کہ گلوکار کی موت ’مایو کارڈیل انفارکشن کی وجہ سے ہوئی جسے عام طور پر ’ہارٹ اٹیک‘ کہا جاتا ہے۔

اس سے قبل کولکتہ پولیس نے گلوکار کی موت پر غیر فطری موت کا مقدمہ درج کیا تھا۔

تاہم  پولیس ذرائع کے مطابق اُن کے چہرے اور سر پر چوٹیں آئی تھیں۔

یاد رہے کہ گلوکار، منگل 31 مئی کو، کولکتہ میں ایک شو سے واپسی کے بعد، نیو مارکیٹ تھانے کے علاقے کے تحت واقع گرینڈ ہوٹل میں گر گئے تھے اور اُنہیں شہر کے ایک نجی اسپتال لے جایا گیا تھا، جہاں انہیں مردہ قرار دیا گیا تھا۔

واضح رہے کہ کے کے کی پہلی البم ’پل‘ 1999 میں ریلیز ہوئی تھی۔

بعد ازاں انہوں نے بالی ووڈ میں گانوں پر توجہ دی۔

اس کے علاوہ دہلی میں پیدا ہونے والے کے کے لائیو شوز کے دوران اپنی پرفارمنس کی وجہ سے بھی مشہور تھے۔

انہوں نے بلاک بسٹر فلم ’ہم دل دے چکے صنم‘ کا مشہورِ زمانہ گیت ’تڑپ تڑپ کے‘، فلم ’دس‘ کا گیت ’دس بہانے‘، فلم ’غنڈے‘ کا گانا ’تو نے ماری انٹریاں‘ اور فلم ’وہ لمحے‘ کا مشہور گیت ’کیا مجھے پیار ہے‘ بھی گایا ہے، جبکہ فلموں میں ان کے گانوں کی ایک طویل فہرست موجود ہے۔