بالی ووڈ کے معروف اداکار سلمان خان کو قتل کی دھمکی کا خط بھیجنے والے شخص کا نام سامنے آگیا ہے۔

بھارتی میڈیا رپورٹ کے مطابق پولیس نے انکشاف کیا ہے کہ اداکار سلمان خان کو قتل کی دھمکی کا خط لارنس بشنوئی گروپ کے تین لوگوں نے بھیجا تھا۔

رپورٹ میں بتایا گیا ہے کہ لارنس بشنوئی گینگ کا مبینہ رکن مہاکال عرف سدھیش سوربھ کامبلے نے پوچھ گچھ کے دوران یہ اعتراف کیا ہے کہ اس نے ہی اپنے دو ساتھیوں کے ساتھ مل کر سلمان خان کو  دھمکی آمیز خط بھیجا تھا۔

Salman Khan threat letter case | Crime Branch has identified the people who had dropped the letter. There are clues related to them. They will be arrested soon. Right after their identification, 6 teams have been dispatched to different parts of India: Mumbai Police

Advertisement

— ANI (@ANI) June 9, 2022

دوران تفتیش اس نے بتایا کہ لارنس بشنوئی گینگ کے تین ارکان راجستھان سے آئے تھے اور ان میں سے ایک نے باندرہ بینڈ اسٹینڈ کے علاقے میں یہ خط بینچ پر رکھا تھا جہاں سلمان خان کے والد سلیم خان صبح کی سیر کے بعد بیٹھتے ہیں۔

Salman Khan threat letter case | Jailed gangster Lawrence Bishnoi had issued the letter to Salman Khan & his father Salim Khan. Three people from his gang had come from Jalore, Rajasthan to Mumbai to drop the letter & had met accused Saurabh Mahakal: Mumbai Police

(File pic) pic.twitter.com/hpZEk0cp1C

Advertisement

— ANI (@ANI) June 9, 2022

گزشتہ ہفتے مہاکل کو سدھو موسے کے قتل میں ملوث ہونے کے الزام میں پونے سے گرفتار کیا گیا تھا جبکہ پوچھ گچھ کے دوران اس نے سلمان خان کو دھمکی آمیز خط بھیجنے کا اعتراف کیا ہے ۔

واضح رہے کہ خط میں دھمکی دی گئی تھی کہ سلمان خان اور ان کے والد  کا بھی جلد ہی موسے والا جیسا حال کر دیں گے۔

دہلی کی پولیس نے یہ بھی انکشاف کیا تھا کہ گینگسٹر لارنس بشنوئی جو اس وقت ان کی تحویل میں ہے پنجابی گلوکار اور کانگریس لیڈر سدھو موسے والا کے قتل کا ماسٹر مائنڈ ہے۔