آنجہانی بھارتی گلوکار شبھ دیپ سنگھ سدھو عرف سدھو موسے والا کے قاتل کی سی سی ٹی وی فوٹیج منظرِ عام پر آگئی ہے۔

بھارتی میڈیا رپورٹس کے مطابق سدھو موسے کے بہیمانہ قتل کے چند روز بعد ایک اور سی سی ٹی وی فوٹیج سامنے آئی ہے۔

pic.twitter.com/Y3OJZbVvN7

— Aditya Paul (@AdityaPaul1999) June 3, 2022

اس ویڈیو میں دو سفید گاڑیوں کو گاؤں سے باہر نکلتے ہوئے دیکھا جا سکتا ہے کہ کس طرح حملہ آور گلوکار کو قتل کرنے کے بعد فرار ہو رہے تھے۔

یہ فوٹیج جواہر گاؤں کے قریب ایک سی سی ٹی وی کیمرے سے حاصل کی گئی ہے جو جائے وقوعہ سے چند میٹر کے فاصلے پر تھا۔

اطلاعات کے مطابق سدھو موسے والا کو مبینہ طور پر قتل کرنے والے حملہ آور گاڑیوں میں موجود تھے، فوٹیج میں پہلے ایک سفید رنگ کی گاڑی وہاں سے گزرتی ہے اور پھر ایک اور سفید رنگ کی گاڑی کو جائے وقوعہ سے فرار ہوتے ہوئے دیکھا گیا ہے۔

دوسری جانب گینگسٹر لارنس بشنوئی نے سدھو موسے والا کے قتل کا اعتراف کرتے ہوئے دہلی پولیس سے کہا ہے کہ ہاں، میرے گینگ کے رکن نے سدھو موسے والا کو مارا ہے۔

گینگسٹر لارنس کا کہنا تھا کہ وکی مڈوکھیرا اُن کا بڑا بھائی تھا اور اُن کے گینگ نے وکی کی موت کا بدلہ لیا ہے۔

لارنس بشنوئی نے کہا ہے کہ یہ میرا کام نہیں ہے، میں جیل میں تھا اور اپنا فون بھی استعمال نہیں کر رہا تھا۔