میرے گینگ نے سدھو موسے والا کو مارا: گینگسٹر لارنس بشنوئی

ویب ڈیسک

04th Jun, 2022. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میرے گینگ نے سدھو موسے والا کو مارا: گینگسٹر لارنس بشنوئی

گلوکار سدھو موسے والا کے قتل کے حوالے سے اہم بیان سامنے آگیا۔

غیر ملکی خبر رساں ادارے کے مطابق گینگسٹر لارنس بشنوئی نے پولیس کو دیے گئے بیان میں کہا کہ اُن کے گینگ ممبر نے پنجابی گلوکار سدھو موسے والا کو قتل کروایا۔

گینگسٹر لارنس بشنوئی نے پولیس سے کہا کہ ’ہاں! میرے گینگ کے رکن نے سدھو موسے والا کو مارا۔‘

گینگسٹر لارنس بشنوئی نے کہا کہ وکی مڈوکھیرا اُن کا بڑا بھائی تھا اور اُن کے گینگ نے وکی کی موت کا بدلہ لیا۔

اگرچہ لارنس بشنوئی نے اعتراف کیا کہ اُن کا گینگ پنجابی گلوکار کے قتل میں ملوث تھا لیکن اُنہوں نے خود کو اس واقعے سے الگ کر لیا۔

انہوں نے بتایا کہ یہ میرا کام نہیں ہے، میں جیل میں تھا اور اپنا فون بھی استعمال نہیں کر رہا تھا۔

واضح رہے کہ لارنس بشنوئی گینگ کا نام سدھو موسے والا کے قتل کے سلسلے میں سامنے آیا۔

پنجابی گلوکار کو اتوار 29 مئی کو ضلع مانسا میں گولی مار کر ہلاک کر دیا گیا تھا۔