بھارت کے لیجنڈری اداکار شکتی کپور کے بیٹے سدھانت کپور کو ہوٹل میں چھاپے کے دوران نارکوٹکس کنٹرول بیورو نے گرفتار کر لیا۔

بھارتی میڈیا رپورٹ کے مطابق سدھانت کپور کو اتوار کی رات بنگلورو میں  ایک پارٹی میں مبینہ طور پر منشیات کا استعمال کرتے ہوئے حراست میں لیا گیا۔

بھارتی نیوز ایجنسی کا کہنا ہے کہ بنگلورو پولیس نے تصدیق کی ہے کہ شکتی کپور کے بیٹے ان چھ لوگوں میں شامل تھے جو مبینہ طور پر منشیات کا استعمال کر رہے تھے۔

Karnataka | Actor Shraddha Kapoor's brother Siddhanth Kapoor detained during police raid at a rave party in a Bengaluru hotel, last night. He is among the 6 people allegedly found to have consumed drugs: Bengaluru Police pic.twitter.com/UuHZKMzUH0

Advertisement

— ANI (@ANI) June 13, 2022

بنگلورو سٹی کے ایسٹ ڈویژن کے ڈی سی پی ڈاکٹر بھیما شنکر ایس گلڈ نے اے این آئی کو بتایا کہ سدھانت کا منشیات ٹیسٹ بھی مثبت آیا ہے جس کے بعد انہیں گرفتار کیا گیا۔

شکتی کپور نے این سی بی کے الزامات کو جھوٹا قرار دیتے ہوئے یہ ماننے سے انکار کر دیا کہ سدھانت منشیات استعمال کرتے ہوئے پایا گیا ہوگا۔

گزشتہ برس این سی بی نے کروز پر ریڈ کے دوران شاہ رخ خان کے بیٹے آریان خان کو منشیات برآمدگی کیس میں گرفتار کیا تھا تاہم  گزشتہ دنوں نارکوٹکس کنٹرول بیورو نے انہیں کلین چٹ دے دی۔