ایمبر ہرڈ کی وکیل کو شدید تنقید کا سامنا

ویب ڈیسک

04th Jul, 2022. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایمبر ہرڈ کی وکیل کو شدید تنقید کا سامنا

اپنے سابق شوہر و اداکار جانی ڈیپ سے ہتکِ عزت کے مقدمے میں ہارنے والی امریکی اداکارہ ایمبر ہرڈ کی وکیل کو بھی ہر روز کسی نہ کسی وجہ سے تنقید کا سامنا ہے۔

غیر ملکی میڈیا کی رپورٹ کے مطابق ایمبر ہرڈ کی وکیل ایلین بریڈ ہافٹ پر الزام لگایا گیا تھا کہ وہ اپنی مؤکل کے ہتکِ عزت کے کیس کی شکست پر عوام کو گمراہ کر رہی ہیں۔

رپورٹ میں بتایا گیا کہ اب ایلین بریڈ ہافٹ کو ان کے اس بیان ’اگرچہ جانی ڈیپ نے ایمبر ہرڈ کے ساتھ بدسلوکی کے الزامات کو جھوٹ ثابت کر دیا ہے لیکن پھر بھی اداکارہ کے اس دعوے میں کہ ان کے سابقہ شوہر کی جانب سے ان کے ساتھ زیادتی ہوئی ہے، کوئی بدنیتی شامل نہیں تھی‘ پر تنقید کا نشانہ بنایا جا رہا ہے ۔

امریکی اداکارہ کی وکیل کی اس دلیل کو سوشل میڈیا صارفین نے انتہائی مضحکہ خیز اور احمقانہ قرار دیا ہے۔

دوسری جانب ایک برطانوی باڈی لینگویج ایکسپرٹ جیسس اینریک روزاس نے عدالت میں ایمبر ہرڈ کی نمائندگی کرنے پر ہی وکیل کو تنقید کا نشانہ بنایا ہے۔

جیسس اینریک روزاس کا کہنا ہے کہ میرے خیال میں تو ایمبر ہرڈ کی عدالت میں نمائندگی کا فیصلہ ہی مضحکہ خیز عمل تھا۔