شوبز انڈسٹری کی معروف جوڑی اداکار احد رضا میر اور سجل علی کے درمیان طلاق کی خبریں ابھی بھی زیرِ گردش ہیں۔

کچھ ماہ قبل یہ خبر سامنے آئی تھی کہ سجل علی اور احد رضا میر نے ایک دوسرے سے علیحدگی کا فیصلہ کر لیا ہے۔

اس بات کی تصدیق پاکستانی شوبز سے منسلک ایک صحافی نے بھی کی تھی اور کچھ دن بعد سجل علی نے انسٹاگرام اکاؤنٹ سے احد میر کا نام ہٹا دیا تھا جبکہ احد نے اداکارہ کی چند تصاویر اپنے اکاؤنٹ سے ڈیلیٹ کی تھیں۔

تاہم اب دونوں اداکاروں اداکارہ سجل اور احد نے ایک دوسرے کو انسٹاگرام سے بھی ان فالو کر دیا ہے جس کا اسکرین شاٹ سوشل میڈیا پر وائرل ہوگیا ہے۔

وائرل اسکرین شاٹس پر صارفین کی جانب سے تبصروں کا سلسلہ جاری ہے جن میں سے کچھ لوگوں نے سوشل میڈیا پیجز سے درخواست کی ہے کہ دونوں اداکاروں کو ان کے حال پر چھوڑ دیا جائے، یہ ان کی زندگی ہے، انہیں جو بہتر لگے گا وہ کریں گے۔

واضح رہے کہ سجل علی اور احد کے درمیان رواں سال مارچ میں علیحدگی کی خبریں سامنے آئی تھیں، جس کے بعد چند اداکاروں نے بھی صارفین سے اپیل کی تھی کہ احد اور سجل مشکل میں ہیں لہذا اُن کی زندگی پر زیادہ بیان بازی یا تبصرے نہ کریں۔

تاہم اداکارہ سجل علی اور احد رضا میر نے بھی طلاق سے متعلق خبروں کی تصدیق نہیں کی۔