بالی ووڈ کے معروف اداکار رنبیر کپور نے اہلیہ و اداکارہ عالیہ بھٹ کے ناقدین کو کرارا جواب دے دیا۔

اداکارہ عالیہ بھٹ نے جون میں اپنے حمل کے اعلان سے سب کو حیران کر دیا تھا۔

 اس خبر کے بعد جہاں صارفین نے عالیہ اور رنبیر کے لیے نیک خواہشات کا اظہار کیا تو وہیں کچھ صارفین نے اداکارہ کو سوشل میڈیا پر ٹرول کیا۔

تاہم رنبیر کپور نے اپنے انٹرویو میں عالیہ بھٹ پر ہونے والی ٹرولنگ کا جواب دیتے ہوئے کہا کہ عالیہ اور میں نے ایک شادی شدہ جوڑے کے طور پر سوچا کہ دنیا کو بتانا صحیح لگے گا کیونکہ ہمیں لگا کہ یہ صحیح وقت ہے۔

انہوں نے کہا کہ ہم صرف اپنی خوشی دنیا کے ساتھ بانٹنا چاہتے تھے اور اس کے علاوہ کوئی دوسرا خیال نہیں تھا۔

دوارن انٹرویو رنبیر کپور سے عالیہ کے حمل پر اُن کے ردعمل کے بارے میں مزید پوچھا گیا تو اُنہوں نے کہا کہ یہ وہ چیز تھی جس کے بارے میں عالیہ اور میں کافی عرصے سے بات کر رہے تھے کہ ہم اپنی زندگی میں بہت سے بچے چاہتے ہیں۔

رنبیر کپور نے کہا کہ ہم خود کو خوش نصیب محسوس کرتے ہیں، یہ بہت سارے جذبات کا مرکب ہے، میں اپنی زندگی کے اس موڑ پر انتہائی مشکور ہوں۔

گزشہ دنوں عالیہ بھٹ نے اپنی انسٹاگرام پوسٹ کے ذریعے اعلان کیا تھا کہ اُن کے ہاں بہت جلد ننھے مہمان کی آمد متوقع ہے۔

واضح رہے کہ رواں سال اپریل میں رنبیر اور عالیہ بھٹ ممبئی کے علاقے باندرہ میں واقع رہائش گاہ واستو میں شادی کے بندھن میں بندھے تھے۔