فلم برہمسترا کے ہدایت کاروں اور کاسٹ نے گزشتہ ماہ کو انسٹاگرام پوسٹ میں ایک نئے ٹیزر گانے کی نقاب کشائی کی جس میں عالیہ بھٹ اور رنبیر کپور ہیں۔

سوشل میڈیا پر عالیہ بھٹ اور رنبیر کپور کی فلم کے نئے گانے کا ٹیزر  کرن جوہر، عالیہ بھٹ اور آیان مکھرجی نے پوسٹ کیا تھا۔

اب تقریباً ایک منٹ کی ویڈیو میں فلم کے ہندی گانے کیسریا کا تیلگو گانا دکھایا گیا ہے جسے پریتم نے کمپوز کیا ہے۔

دوسری جانب رنبیر کپور کی بچے کے ساتھ کھیلنے کی ویڈیو سوشل میڈیا پر وائرل ہوگئی۔

سوشل میڈیا پر وائرل ہونے والی ویڈیو میں دیکھا جا سکتا ہے کہ اداکار رنبیر کپورایک چھوٹے بچے کو گود میں لیے ہوئے ہیں اور اسے پیار کر رہے ہیں۔

رنبیر کپور کی اہلیہ علیہ بھٹ نے فوٹو اینڈ ویڈیو شئیرنگ ایپ انسٹاگرام اسٹوری پر اپنے شوہر رنبیر کی بچے کے ساتھ کھیلنے کی ویڈیو بھی پوسٹ کی ہیں۔

رنبیر کپور کے مداحوں کی جانب سے اداکار کی اس ویڈیو کو بہت پسند کیاجا رہا ہے اور تعریفی کمنٹس بھی کیے جا رہے ہیں۔

ویڈیو میں دیکھا جا سکتا ہے کہ اداکار رنبیر گرے ٹی شرٹ اور ڈینم پینٹ پہنے ہوئے ہیں ساتھ ہی اداکار نے نیلی نیلی ٹوپی بھی پہن رکھی تھی۔

واضح رہے کہ رواں سال 14 اپریل کو شادی کرنے والے عالیہ اور رنبیر کئی دلچسپ پراجیکٹس پر کام کر رہے ہیں۔