پاکستانی کلچر کی عکاسی کرتی سیریزحال ہی میں ریلیز ہوئی اور اس کے بعد سے ملک بھر میں دھوم مچا رہی ہے۔

آسکر ایوارڈ یافتہ پاکستانی فلم ساز شرمین عبید چنائے کی ہدایت کاری میں بننے والی چوتھی قسط شاندار مناظر اور سنسنی خیز ڈیبیو سے بھری ہوئی ہے۔

 اس قسط  میں مس مارول (کمالہ خان) کو دیکھا جا سکتا ہے، جس کا مرکزی کردار پاکستانی نژاد کینیڈین اداکارہ  ایمان ویلانی نے ادا کیا ہے، وہ اپنی دادی سے ملنے کراچی آتی ہیں۔

اس سیریز میں متعدد پاکستانی گانے پیش کیے گئے ہیں، جن میں سپر ہٹ پسوڑی، ایوا بی کی روزی شامل ہیں۔

 اب حال ہی میں ریلیز ہونے والی قسط کے لیے  پاکستانی گلوکار حسن اور روشن کے  مشہور گانے’ڈوبنے دے‘کو منتخب کیا ہے۔

دونوں گلوکاروں نے انسٹاگرام پر گانے کا پوسٹر شیئر کیا جس کے کیپشن میں انہوں نے لکھا کہ اب ’ڈوبنے دے‘ بھی ’مارول سینیمیٹک یونیورس‘(ایم سی یو)کا حصہ ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Hassan & Roshaan (@hassanandroshaan)

سیریز میں پاکستانی ستاروں ثمینہ احمد، مہوش حیات اور نمرہ بچہ کی اداکاری کو شائقین نے خوب سراہا جبکہ فواد خان کی انٹری نے بھی لوگوں کو خوش کردیا۔

واضح رہے کہ مس مارول کی کہانی کمالہ خان نامی پاکستانی نژاد امریکی لڑکی کے گرد گھومتی ہے، یہ لڑکی منفرد صلاحیتوں کی مالک ہے۔

اس سیریز میں پاکستانی کچلر کو بہترین انداز میں پیش کیا گیا ہے اور سندھی شادی کی رسم لاؤں کو بھی سیریز میں شامل کیا گیا ہے جس سے پاکستانی ناظرین میں خوشی کی لہر دوڑ گئی۔

مس مارول کوامریکا سمیت دنیا بھر میں 8 جون کو ڈزنی پلس پر ریلیز کیا گیا تاہم پاکستان میں مذکورہ اسٹریمنگ ویب سائٹ نہ ہونے کی وجہ سے اسے سنیما گھروں میں قسط وار دکھایا جارہا ہے۔