سجاد علی کا گانا بھی مس مارول سیریز کا حصہ بن گیا

ویب ڈیسک

06th Jul, 2022. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سجاد علی کا گانا بھی مس مارول سیریز کا حصہ بن گیا

معروف گلوکار سجاد علی کا گانا بیبیا بھی مارول اسٹوڈیو کی سیریز مس مارول کا حصہ بن گیا۔

اس سیریز میں سجاد علی کا گانا بیبیا بھی شامل کیا گیا ہے جو چوتھی قسط میں 27 منٹ گزرنے پر آتا ہے، اس سین میں فلم کی ہیروئین کمالا خان اپنے کزن کے ساتھ ساحل پر موجود ہیں اور اُس کا کزن ہی یہ گانا گا کر سناتا ہے۔

گلوکار سجاد علی نے یہ سین اپنے فیس بُک اکاؤنٹ پر شیئر کیا ہے۔

اس پوسٹ کے کیپشن میں انہوں نے لکھا کہ میرا گانا بیبیا مس مارول میں شامل کیا گیا، مارول اسٹوڈیو کی پوری ٹیم کو یہ زبردست سیریز پیش کرنے پر مبارک باد۔

واضح رہے کہ مس مارول سیریز پاکستانی فلم ساز شرمین عبید چنائے اور مارول سنیمیٹک یونیورس کی پہلی مسلم سپر ہیرو سیریز ہے جس میں پاکستانی اور بھارتی فنکاروں سمیت دیگر ملکوں کے اداکار بھی شامل ہیں۔

یہ پراجیکٹ مختلف ثقافتوں کے لیے ایک خراجِ تحسین ہے اور اس میں برصغیر کے لاکھوں نوجوان لڑکوں اور لڑکیوں کو اپنی پہچان پر خوشی اور فخر کرنے کا پیغام دیا گیا ہے۔