ہالیہ ووڈ کی اداکارہ جینیفر اینسٹن نے انٹرن کو انٹرویو دے کر اس کا دن خوش گوار بنا دیا اور اپنے اس اقدام سے مداحوں کے دل بھی جیت لیے۔

غیر ملکی خبر رساں ادارے کے مطابق مصنف اور پوڈکاسٹر جو پرداویلا نے اپنی آنے والی کتاب ’گوڈ لسِن: کری ایٹنگ میموریبل کنورزیشنز اِن بزنس اینڈ لائف‘ میں اپنی زندگی کے ایک یاد گار واقعے کی تفصیل بیان کی ہے۔

اُنہوں نے لکھا ہے کہ ’مجھے فلم ’پکچر پرفیکٹ‘ کے سیٹ پر جینیفر اینسٹن کا انٹرویو کرنے کے لیے بھیجا گیا تھا۔

انہوں نے بتایا کہ جب میں ایک ریڈیو اسٹیشن پر انٹرن تھا لیکن فلم کے سیٹ پر پہنچنے کے بعد مجھے اداکارہ  کے باڈی گارڈ نے روک دیا‘۔

جو پرداویلا نے لکھا ہے کہ ’میں نے اپنا ریڈیو مائیک پکڑ کر کہا، کہ ارے میں جینیفر سے صرف 2 سوالات پوچھنا چاہتا ہوں‘۔

اُنہوں نے لکھا کہ ’میری بات سن کر گارڈ نے مجھ سے کہا کہ ایسا نہیں ہو سکتا، اس وقت گارڈ کا لہجہ بھی بہت سخت تھا‘۔

تاہم اُنہوں نے مزید لکھا کہ ’میری اور گارڈ کی گفتگو کے بارے میں جاننے کے بعد اداکارہ باہر آئیں اور کہا کہ وہ ابھی بات نہیں کر سکتیں اور اتنا کہنے کے بعد واپس اندر چلی گئیں‘۔

واضح رہے کہجو پرداویلا نے بتایا کہ ’اداکارہ کا انکار سننے کے بعد جیسے ہی میں وہاں سے جانے کی تیار کرنے لگا تو جینیفر اینسٹن نے اپنے اسسٹنٹ کو ریڈیو اسٹیشن کے فرنٹ ڈیسک پر فون کرنے کے لیے کہا اور یہ پیغام بھیجا کہ سیٹ پر انٹرن کے ساتھ آج جو کچھ ہوا، اُنہیں اس پر افسوس ہے اور وہ ریڈیو کے مارننگ شو کو انٹرویو دینے کے لیے راضی ہیں‘۔