بالی ووڈ کے معروف اداکار سیف علی خان کے بیٹے ابراہیم علی خان کا اداکارہ عالیہ بھٹ کو بھیجا گیا میسج سوشل میڈیا پر وائرل ہوگیا ہے۔

حال ہی میں اداکارہ عالیہ بھٹ نے رنویر سنگھ کے ہمراہ پروگرام کافی وِد کرن میں شرکت کی۔

عالیہ بھٹ نے ایک سوال کے جواب میں بتایا کہ انہیں فلم گنگو بائی کاٹھیاواری ریلیز ہونے کے بعد ابراہیم نے ایک میسج کیا جو بہت ہی مزے کا تھا۔

Film critic in the making – #IbrahimAliKhan😂😂#KoffeeWithKaran @aliaa08 @RanveerOfficial @karanjohar #KoffeewithKaranSeason7 pic.twitter.com/DcGyF2jlI3

Advertisement

— ✨Anishaaa✨ (@iAn1sha) July 8, 2022

اس ویڈیو کلپ کے وائرل ہونے کے بعد ابراہیم علی خان بھارتی ٹوئٹر پر ٹرینڈ کرنے لگے۔

ویڈیو میں عالیہ بھٹ میسج پڑھ کر سناتی ہیں کہ ذاتی طور پر آپ کو پیغام بھیجنے کا وقت نکالنا پڑا، مجھے یقین نہیں آرہا کہ آپ وہ ہی خاتون ہیں جس سے میں ہر بار  بہت کچھ سیکھتا ہوں، آپ کی اداکاری غیر معمولی ہے۔

سیف علی خان کے بیٹے نے اپنے میسج میں لکھا کہ آپ نے گنگو کا کردار بہت اچھے سے نبھایا اور اب رانی کا کردار بھی اچھی طرح کیا۔

ابراہیم نے لکھا کہ آپ خود کو کرداروں میں ایسے آسانی سے  ڈھالتی ہیں جیسے پانی کسی برتن میں شکل اختیار کرتا ہے، آپ اس ملک کی بہترین اداکارہ ہیں۔

یاد رہے کہ عالیہ بھٹ اور رنویر سنگھ کی 2023 میں ریلیز ہونے والی فلم روکی اور رانی کی پریم کہانی میں ابراہیم علی خان نے ہدایتکار کرن جوہر کو اسسٹ کیا ہے۔