پاکستانی اداکارہ نادیہ جمیل، جنہوں نے اپنے جنسی استحصال کی آزمائش کے بارے میں بہت آواز اٹھائی تھی، نے ٹویٹر پر ایک بار پھر اس معاملےکا ذکر کیا ہے۔

اداکارہ  نے  سماجی رابطے کی ویبسائٹ ٹویٹر پر  لکھاکہ ’پہلی بار جب مجھے جنسی زیادتی کا نشانہ بنایا گیا تو میں چار سال کی تھی، پھر 9 اور پھر جب نشانہ بنایا تو میں  17، 18 سال کی تھی‘۔

نادیہ جمیل نے لکھا کہ ’مجھے گہرے ڈپریشن، اداسی، خوف اور شرمندگی سے لڑنے میں برسوں لگے‘۔

1st time I ws sexually abused I ws 4 yrs old,then 9,then 17/18.
Its taken me years 2 fight deep depression,sadness,fear & a shame I had no business feeling,2b where I am now.Healed.Not just surviving but thriving.There is a way from the pain 2 peace.
You are never alone
Love Nado pic.twitter.com/bo33Yd2brj

Advertisement

— Nadia Jamil (@NJLahori) July 3, 2022

2018 میں، قصور کے ہولناک واقعے کے بعد جہاں ایک آٹھ سالہ بچی کی عصمت دری  کی اور قتل کیا گیا ، بہت سی مشہور شخصیات اس معاملے پر اپنے غم و غصے کا اظہار کرنے کے لیے آگے آئیں۔

 نادیہ ان اولین لوگوں میں سے ایک تھیں جنہوں نے اس معاملے پر اپنی مایوسی کا اظہار کیا اور اس واقعے کے لیے انصاف کا مطالبہ کیا۔

اداکارہ نے انکشاف کیا کہ مجھے ہمارے ڈرائیور، اعلیٰ تعلیم یافتہ اشرافیہ خاندان کے بیٹے سمیت کئی افراد نے  متعدد بار جنسی استحصال کا نشانہ بنایا۔