بھارتی فلم انڈسٹری کے کئی نامور اداکاروں نے فلمی دنیا کے علاوہ حقیقی زندگی میں بھی موت کو قریب سے دیکھا ہے۔

میڈیا رپورٹ کے مطابق بالی ووڈ کے چند مشہور اسٹارز کبھی نہ کبھی موت کو چھو کر واپس آئے ہیں جن میں سلمان خان، امیتابھ بچن، ہریتھک روشن، پریٹی زنٹا، سارہ علی خان اور جنہوی کپور سمیت دیگر شامل ہیں۔

ہرتھیک روشن فلم کرش کی شوٹنگ کے دوران بلندی سے نیچے گرگئے تھے، خوش قسمتی سے وہ محفوظ رہے، اسی طرح ان کے دماغ کی سرجری بھی ہوچکی ہے۔

بھارتی اداکارہ پریتی زنٹا کے بارے میں مشہور ہے کہ جب وہ سری لنکا دورے پر تھیں تو دارالحکومت میں زور دار دھماکا ہوا تھا اور اداکارہ جائے وقوع کے بہت قریب تھیں، خوش قسمتی سے وہ بھی محفوظ رہیں۔

اداکارہ جنہوی کپور نے بتایا کہ ایک مرتبہ وہ سارہ علی خان کے ہمراہ سیر کے لیے کسی تفریحی مقام پر گئیں جہاں انہوں نے چند پیسے بچانے کے لیے بغیر ہیٹر والا ہوٹل بک کروایا، رات گئے ٹھنڈ سے ہمارے ہونٹ نیلے پڑ گئے تھے بعد ازاں ہمیں وہاں سے ریسکیو کیا گیا تھا۔

بالی ووڈ اداکار سلمان خان کو ایک بار زہریلے سانپ نے ڈس لیا تھا جس کے بعد ان کا تقریباً 6 گھنٹوں تک مقامی اسپتال میں علاج ہوا۔

بالی ووڈ کے شہنشاہ امیتابھ بچن بھی شوٹنگ کے سیٹ پر حادثے کا شکار ہوئے تھے جس کے بعد انہیں تقریباً ایک ماہ تک اسپتال میں رہنا پڑا تھا۔