پاکستان شوبز انڈسٹری کی سابقہ اداکارہ ، ماڈل اور میزبان نور بخاری کی ہمایوں سعید کی عمر کے حوالے سے طنزیہ پوسٹ سوشل میڈیا پر وائرل ہو گئی ہے۔

حال ہی میں نور بخاری نے ایک پوسٹ شئیر کی ہے جس میں وہ فلم لندن نہیں جاؤںگا دیکھ رہی تھیں۔

انہوں نے ہدایت کاری کی تعریف کرتے ہوئے کہا کہ ندیم بیگ نے بہت اچھی شوٹنگ کی ہے، سینماٹوگرافی بہترین ہے، لیکن افسوس محبت کی کہانی؟

نور بخاری نے پوسٹ میں کمزور کہانی کی طرف اشارہ کرتے ہوئے کہا کہ ہمایوں سعید کو زمانے کے ساتھ نہیں چلنا کیونکہ اس دور میں محبت نہیں ہوتی، کہانی بہت کمزور ہے، اب بالغ کردار ادا کریں، بس ہضم کرنا مشکل ہے۔

سابقہ اداکارہ کی پوسٹ دیکھنے کے بعد بہت سارے مداحوں نے ان کی تعریف کی اور ان کا ساتھ دیا اور کہا کہ انہوں نے دل کی بات کہی ہے کیونکہ انہیں نوجوان کرشماتی اداکاروں کو دیکھنے کی ضرورت ہے لیکن شاید ہی کوئی نوجوان ایسا ہو جس میں ہمایوں سعید جیسی کرشماتی شخصیت ہو۔

واضح رہے کہ اداکار ہمایوں سعید کی فلم لندن نہیں جاؤں گا اس وقت سینما گھروں میں کامیابی سے چل رہی ہے۔

اس فلم نے 40 کروڑ روپے کما لیے ہیں، لندن نہیں جاؤں گا کو 2022 کی عید الاضحی پر ریلیز کیا گیا تھا جبکہ فلم کے پروڈیوسر اور اداکار ہمایوں سعید اپنی فلم کی زبردست کامیابی پر خوش ہیں ۔