بھارتی اداکار عمران ہاشمی فلم انڈسٹری کے ان چند اداکاروں میں سے ایک ہیں جنہوں نے صرف چند فلموں میں اداکاری کی لیکن شہرت کی بلندیوں پر پہنچ گئے۔

عمران ہاشمی اس وقت میڈیا کی توجہ کا مرکز تھے جب ان کے بیٹے ایان ہاشمی  کو کینسر کی تشخیص ہوئی تھی۔

اداکار نے حال ہی میں اس بات  کا ذکر کیا کہ جب ان کے بیٹے آئی سی یو میں تھے اور جان ابراہم نے انہیں کال کی۔

2014 میں جب ایان ہاشمی کی عمر 3 سال تھی تو ان میں کینسر کے پہلے اسٹیج کی تشخیص ہوئی جس کے بعد ان کے والد نے فلم انڈسٹری کو عارضی طور پر خیرباد کہہ دیا تھا۔

لیکن ساتھ ہی عمران ہاشمی نے اپنے بیٹے اور ان حالات میں  ان کرداروں کا بھی ذکر کیا جنہوں نے اخلاقی اور مالی طور پر ان کا ساتھ دیا۔

ایک تقریب کے موقع پر عمران ہاشمی نے اداکار جان ابراہم کی بھی تعریف کرتے ہوئے کہا کہ وہ وقت کے بہت پابند ہیں، شوٹنگ کے وقت بھی موجود رہتے تھے، یہ ایک اداکار کی خوبی ہے۔

اداکار نے انکشاف کیا کہ اس  مشکل وقت میں  دو اداکار تھے، جن میں سے ایک جان ابراہم ہیں، وہ مجھ سے رابطے میں رہے اور مجھ سے بیٹے کی طبیعت کے بارے میں پوچھتے رہے۔

بالی وڈ اسٹار نے کہا کہ جان ابراہم نے مجھے یہ بھی کہا کہ اگر  تمھیں کسی چیز کی ضرورت ہو تو  مجھے بتانا۔

واضح رہے کہ جان ابراہم کی شادی کو 6 سال سے زائد ہو چکے ہیں اور ان کی کوئی اولاد نہیں ہے۔

جان ابراہم اور ان کی اہلیہ نے شادی سے قبل رضا کارانہ طور پر بچے پیدا نہ  کرنے کی خواہش ظاہر کی تھی۔

اداکار تب سے ہی بچوں سے پیار کرتے ہیں، اسی لیے وہ  عمران ہاشمی کے بیٹے کی مدد کو پہنچے۔