آئے روز اپنے متنازع بیانات کے باعث خبروں کی زینت بننے والی بالی ووڈ اداکارہ کنگنا رناوت نے اس مرتبہ سپر اسٹار عامر خان کواپنے نشانے پر لے لیا۔

اب یہ بات کسی سے ڈھکی چھپی نہیں کہ کنگنا رناوت بلا سوچے سمجھے کسی کے بارے میں کچھ بھی کہہ دیتی ہیں۔

کنگنا رناوت نے عامر خان پر ایک الزام عائد کرتے ہوئے کہاکہ ’ لال سنگھ چڈھا کے بائیکاٹ کا جو ٹرینڈ چلایا جا رہا ہے وہ عامر خان نے خود تیار کیا ہے اور مہارت کے ساتھ پھیلایا ہے تاکہ ان کی فلم کی تشہیر ہو‘۔

کنگنا رناوت نے اپنی انسٹاگرام اسٹوری پر لکھا، ’میرے خیال میں لال سنگھ چڈھا کے بائیکاٹ کا ٹرینڈ کے پیچھے عامر خان خود ہیں ،دراصل اس سال کوئی بھی ہندی فلم سوائے ایک مزاحیہ سیکوئل کے کامیابی سے ہمکنار نہیں‌ ہو سکی‘ ۔

انہوں نے مزید کہا کہ ’ہندی فلموں کے شائقین کیا دیکھنا چاہتے ہیں یہ سمجھنے کی ضرورت ہے‘۔

واضح رہےکہ ’لال سنگھ چڈھا‘ کے خلاف بائیکاٹ مہم کچھ بھارتی سوشل میڈیا صارفین کی جانب سے چلائی جا رہی ہے جس میں عامر خان کے ایک پرانے انٹرویو کو بنیاد بنایا گیا ہے۔

انٹرویو میں عامر خان نے کہا تھا ’بھارت کے حالات کا ایسا بُرا اثر ہو رہا ہے کہ اہلیہ نے ایک بار مجھ سے کہا تھا کہ کسی دوسرے ملک چلے جاتے ہیں‘۔

’لال سنگھ چڈھا‘ ٹریلر دیکھیں: