حال ہی میں سابقہ اہلیہ ایمبر ہیرڈ پر ہتک عزت کا کیس جیتنے والے جونی ڈیپ نے  خود سے متعلق اہم انکشاف کیا ہے۔

 جونی ڈیپ نے کچھ سال قبل ریڈیو پروگرام میں شرکت کی تھی جہاں انہوں نے بتایا تھا کہ جس وقت وہ موسیقار بننا چاہتے تھے تو اس وقت وہ اداکاری میں آگئے۔

اداکار کا کہنا تھا کہ انہیں بچپن سے ہی موسیقار بننے کا شوق تھا، انہوں نے 12 سال کی عمر میں باقاعدہ موسیقی کا آغاز کیا جبکہ کلبز میں 13 برس کی عمر میں پرفارم کرنا بھی شروع کردیا تھا۔

انہوں نے بتایا کہ مجھے اپنا کرایہ ادا کرنا تھا اور پھر کسی نے مجھے کہا کہ آپ میرے ایجنٹ سے جاکر کیوں نہیں ملتے؟ وہ نکولس کیج کے ساتھ ہیں، لہٰذا انہوں نے مجھے آڈیشن کے لیے بھیجا اور مجھے کام مل گیا۔

جونی ڈیپ نے بتایا کہ مجھے وقتی طور پر اپنا کرایہ ادا کرنے کے لیے یہ ٹھیک لگا تھا۔

اس سے قبل جونی ڈیپ کے پرستار عدالت کے باہر پائریٹس آف دی کیریبین فلموں کے جہاز کے طور پر سجی ہوئی ایک کار لے کر آئے تھے۔

غیر ملکی خبر رساں ادارے کے مطابق جانی ڈیپ نے کامیابی حاصل کی تھی اور اس خوشی میں اداکار کے مداح یہ خوشی منانے سڑکوں پر نکل آئے تھے۔

Truck decorated as pirate ship with photo of Johnny Depp on it towed past courthouse as jurors continue to deliberate during actor’s defamation trialhttps://t.co/InYkNBTiZ3

— New York Daily News (@NYDailyNews) May 31, 2022

واضح رہے کہ 58 سالہ جونی ڈیب کی 36 سالہ امبر ہرڈ سے 2015ء میں شادی ہوئی تھی جو کہ صرف 2017ء تک ہی چل سکی۔

امبر ہڑد نے 2016ء میں اپنے شوہر جونی ڈیپ پر گھریلو تشدد کا الزام لگاتے ہوئے اُن کے خلاف مقدمے کا آغاز کیا تھا۔

گزشتہ دنوں جانی ڈیپ کے امبر ہرڈ کے خلاف دائر کیے گئے ہتک عزت کیس کی سماعت کے دوران جانی ڈیپ کی سابقہ گرل فرینڈ کیٹ ماس نے بھی ویڈیو لنک کے ذریعے جونی کے حق میں گواہی دے دی۔

امریکی ماڈل نے اپنے سابق بوائے فرینڈ کے اوپر لگنے والے الزامات مسترد کرتے ہوئے کہا تھا کہ امبر ہرڈ کی جانب سے جونی ڈیپ پر لگائے گئے الزامات جھوٹے ہیں۔

انہوں نے کہا تھا کہ اُن کا یہ دعویٰ بھی جھوٹا ہے کہ مجھے جونی نے سیڑھیوں سے دھکا دیا تھا۔

اس کیس کے حوالے سے کیٹ ماس کا کہنا تھا کہ جمیکا کے سفر کے دوران میں بارش کے سبب سیڑھیوں سے پھسل گئی تھی اور میری کمر میں چوٹ آئی تھی۔

امریکی ماڈل کیٹ ماس نے بتایا کہ چوٹ لگنے کی صورت میں تو جونی ڈیپ نے میری کافی طبی مدد کی تھی۔

انہوں نے کہا کہ جونی ڈیپ کی اہلیہ امبر ہرڈ کا یہ دعویٰ کرنا بھی غلط اور جھوٹ ہے کہ اُن کی اور میری کہانی ایک جیسی ہے۔

کیٹ ماس نے کہا کہ جونی کی اہلیہ کی جانب سے دیے جانے والا بیان کے ہم دونوں ہی جونی کی جانب سے تشدد کا شکار ہوئیں یہ الزام سراسر غلط اور  جھوٹ ہے۔

یاد رہے کہ پائیریٹس آف دا کیریبئن میں کیپٹن جیک اسپیرو کے کردار سے شہرت کی بلندی پر پہنچنے والے جونی ڈیپ نے فنی کیریئر کا آغاز 1984 میں 21 برس کی عمر میں فلم اے نائٹ میر آن ایلم اسٹریٹ سے کیا تھا۔