معروف امریکی اداکارہ کی گاڑی حادثے کا شکار، حالت تشویشناک

ویب ڈیسک

12th Aug, 2022. 03:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف امریکی اداکارہ کی گاڑی حادثے کا شکار، حالت تشویشناک

ہالی ووڈ کی معروف اداکارہ این ہیش کار حادثے میں شدید زخمی ہوگئی ہیں جس کے بعد ان کی حالت تشویشناک بتائی جارہی ہے۔

غیر ملکی میڈیا رپورٹ کے مطابق امریکی اداکارہ این ہیش کے بارے میں ڈاکٹرز کا کہنا ہے کہ سر پر شدید چوٹ کے باعث اداکارہ کا بچنا مشکل ہے۔

اداکارہ این ہیش کے سر پر شدید چوٹ آنے کی وجہ سے ان کا دماغ متاثر ہوا ہے اور بتایا جا رہا ہے کہ ان کی گاڑی حادثے کا شکار ہونے 65 منٹ بعد تک جلتی رہی جس کی وجہ سے اداکارہ کا جسم جھلس گیا ہے۔

لاس اینجلس فائر ڈیپارٹمنٹ کا کہنا ہے کہ ہیش پانچ اگست کو ہونے والے حادثے کے بعد سے مسلسل بے ہوش ہیں، عمارت سے ٹکرانے کے بعد ان کی گاڑی کو آگ لگ گئی تھی۔

فائر ڈیپارٹمنٹ کے مطابق آگ اس قدر شدید تھی کہ 59 فائر فائٹرز کو اسے بجھانے میں 65 منٹ لگے۔

واضح رہے کہ اداکارہ این ہیش کئی مشہور فلموں میں اپنی شاندار اداکاری کے جوہر دکھا چکی ہیں جن میں 90 کی دہائی کی فلم ’سکس ڈیز، سیون نائٹز‘ بھی شامل تھی اور انہوں نے ڈونی براسکو اور ’آئی نو وٹ یو ڈِڈ لاسٹ سمر‘ میں بھی کام کیا تھا۔