بالی وڈ کے اداکار عامر خان نے فلم لال سنگھ چڈھا کے حوالے سے اہم انکشاف کردیا۔

غیر ملکی خبررساں ادارے کے مطابق عامر خان نے کہا ہے کہ ہالی ووڈ فلم فاریسٹ گمپ کا ری میک بنانے کے حوالے سے پہلے تو انہیں گمان ہوا کہ یہ تو ایسے ہی ہے جیسے مغل اعظم یا مدر انڈیا دوبارہ بنائی جائے۔

حالیہ انٹرویو کے دوران عامر خان نے انکشاف کیا  کہ لال سنگھ چڈھا بنانے کے لیے حتمی طور پر تیار ہونے سے کچھ عرصے قبل انہوں نے اسکا اسکرپٹ سننے کی درخواست پر ٹال مٹول سے کام لیا۔

ان کا کہنا تھا کہ اسکی وجہ یہ تھی، میں سمجھ رہا تھا کہ فاریسٹ گمپ کا ایڈاپشن ایسے ہی ہے جیسے مغل اعظم یا مدر انڈیا کو ری میک کرنے کی کوشش کی جائے۔

یادرہے کہ گزشتہ دنوں فلم کے لکھاری اور معروف بالی ووڈ اداکار اتل کلکارنی نے بتایا تھا کہ انہوں نے لال سنگھ چڈھا کی اسٹوری پندرہ دن میں تحریر کی تھی لیکن عامر خان نے اسے سننے میں دو برس لگائے۔

تاہم  اسٹوری لکھنے سے قبل ہم نے اکٹھے ہالی ووڈ فلم فاریسٹ گمپ بھی دیکھی۔

عامر خان نے کہا کہ یہ درست ہے میں اسے سننے کے لیے تیار نہیں تھا۔

پہلی وجہ یہ ہے کہ اتل نے پہلا اسکرپٹ لکھا تھا اور میں کچھ پریشان تھا کہ اگر میں نے سننے کے بعد پسند نہ کیا تو یہ غلط ہوگا۔

اوردوسری وجہ یہ کہ جس کا یہ ری میک تھا وہ فلم ایک کلٹ کلاسک تھی جس کے بارے میں یہ تصور ہی محال تھا کہ اسے ایک دوسرے فلم میں ایڈاپٹ کیا جائے، اسی وجہ سے میں نے سننے میں دو سال لگائے۔