بالی وڈ اداکارہ عالیہ ساتھ ٹرول ہونے پر میزبان کرن جوہر نے حقیقت بتا دی۔

غیر ملکی خبررساں ادارے کے مطابق عالیہ اور کرن کا رشتہ تو سب کو معلوم ہے۔

تاہم اس ہی وجہ سے میزبان کرن کو کافی ٹرول کیا جاتا ہے، جس پر اب انہوں نے خاموشی بھی توڑ دی ہے۔

حال ہی میں یہ خبر بھی آئی تھی کہ عالیہ بھٹ کے حمل کی خوشخبری سن کر کرن جوہر رونے لگے تھے۔

آر جے سدھارتھ کنن کے چیٹ شو میں، کرن نے کھل کر عالیہ کے ساتھ اپنے تعلقات کو لے کر ٹرول کیے جانے کی بات کی۔

 کرن جوہر نے کہا ہے کہ آج میں نے دیکھا ہے کہ عالیہ کے ساتھ میرے بارے میں انٹرنیٹ پر بہت نفرت پھیلائی جا رہی ہے۔ لیکن اگر میں سچ کہوں تو مجھے عالیہ کو لے کر والدین جیسا احساس ہوتا ہے۔

انہوں نے کہا کہ میں عالیہ سے بہت پیار کرتا ہوں اور ان کا خیال رکھتا ہوں۔

تاہم ایسے میں جب آپ اتنے قریبی شخص کے حمل کی خبر سنتے ہیں تو آنسو ضرور نکل آتے ہیں۔

کرن جوہر نے کہا کہ میں نہیں جانتا کہ لوگوں کو اس میں کیا برائی نظر آئی۔

عالیہ بھٹ کرن جوہر کے دھرما پروڈکشن کے بینر تلے بننے والی فلم راکی ​​اور رانی کی لو اسٹوری میں نظر آئیں گی۔ اس فلم میں عالیہ کے ساتھ ہندی فلموں کے اداکار رنویر سنگھ مرکزی کردار میں موجود ہیں۔

واضح رہے کہ بالی ووڈ کی سوپر اسٹار عالیہ بھٹ کو فلمساز کرن جوہر نے ہندی فلم انڈسٹری میں پہلا بریک دیا تھا۔

 عالیہ نے کرن جوہر کی اسٹوڈنٹ آف دی ایئر میں بالی ووڈ اداکار ورون دھون اور سدھارتھ ملہوترا کے ساتھ ڈیبیو کیا تھا۔