جان سے مارنے کی دھمکیوں مے بعد بالی وڈ کے سپر اسٹار سلمان خان نے اہم فیصلہ کرلیا ہے۔

بھارتی میڈیا رپورٹس کے مطابق سلمان خان کے گھر میں ایک بلیٹ پروف  لینڈ کروزر گاڑی دیکھی گئی ہے۔

سلمان خان اور ان کے والد سلیم خان کو جون کی شروعات میں جان سے مارنے کی دھمکی ملی تھی۔

اس سے قبل ممبئی پولیس نے  اداکار کو انہیں اپنے دفاع کے لیے بندوق کا لائسنس دیا تھا۔

سلمان خان اپنی سیکیورٹی کے ساتھ ساتھ اپنی فیملی کی حفاظت کے لئے بھی بندوق رکھنا چاہتے ہیں۔

واضح رہےکہ گینگسٹر لارنس بشنوئی کی جانب سے اداکار سلمان خان کو جان سے مارنے کی دوباہ دھمکی دے دی گئی ہے۔

گینگسٹر لارنس بشنوئی آج کل بھارتی معروف گلوکار سدھو موسے والا کے قتل کے الزام میں گرفتار ہے اور دہلی پولیس کے اسپیشل سیل کی حراست میں ہے۔

گرفتار لارنس بشنوئی نے پولیس حراست سے سلمان خان کو جان سے مار دینے کی دوبارہ دھمکی جاری کی ہے۔

اس سے قبل تفتیش کے دوران لارنس بشنوئی کی جانب سے یہ بھی انکشاف کیا گیا ہے کہ وہ 1998ء میں بھی سلمان خان کو مارنا چاہتا تھا۔

لارنس بشنوئی کا کہنا تھا کہ 1998ء میں فلم ’ہم ساتھ ساتھ ہیں‘ کی شوٹنگ کے دوران راجستھان کے شہر جودھ پور میں چنکارا ہرن کے غیر قانونی شکار کے معاملے میں وہ سلمان خان کو مارنا چاہتا تھا۔