حال ہی میں والدین بننے والا کم عمر جوڑا اسد اور نمرہ اپنے حالیہ بیان کی وجہ سے تنقید کی زد میں آگیا۔

اسد نے اپنے چینل پر ایک ویڈیو اپلوڈ کی ہے جس کے بعد سوشل میڈیا صارفین کی جانب سے اس جوڑے کو شدید تنقید کا نشانہ بنیا جارہا ہے۔

18 سال کی عمر میں شادی کرنے والا جوڑا والدین بن کر بے انتہا خوش ہے لیکن اسد کی جانب سے حالیہ بیان میں کہا گیا ہے کہ چھوٹی عمر میں باپ بننے کے کچھ نقصانات بھی ہیں جس کے بارے میں ہم آپ کو آگے بھی بتاتے رہیں ہیں۔

اس ویڈیو کو دیکھنے کے بعد سوشل میڈیا صارفین کی جانب سے انہیں شدید تنقید کا نشانہ بنایا جارہا ہے اور مختلف تبصرے بھی کیے جارہے ہیں جبکہ کچھ صارفین انہیں مشورہ بھی دے رہے ہیں کہ وقت کے ساتھ ساتھ سب ٹھیک ہوجاتا ہے۔

https://youtu.be/zB2kN9FgyS8

اس سے قبل یہ خبر سامنے آئی تھی کہ چھوٹی سی عمر میں محبت کی شادی کرنے والے جوڑے اسد اور نمرہ کے ہاں بیٹے کی پیدائش ہوئی ہے۔

چند ماہ قبل اسد نے سوشل میڈیا کے ذریعے یہ اطلاع دی تھی کہ اُن کی اہلیہ نمرہ حاملہ ہیں اور وہ دونوں اپنے چاہنے والوں کو جلد  خوشخبری سُنانے کے لیے بےحد خوش ہیں۔

گزشتہ دنون اس جوڑے نے اپنے مداحوں کو بتایا کہ وہ والدین بن گئے ہیں، 9 اگست 2022 کو ان کے ہاں بیٹے کی پیدائش ہوئی۔

اسد کا کہنا تھا کہ وہ اس خوشی کے موقع پر اپنے جذبات الفاظ میں بیان نہیں کرسکتے۔

یاد رہے کہ لاہور سے تعلق رکھنے والے 18 سالہ اسد نے اپنی ہی ہم عمر نمرہ سے سال 2020 میں شادی کی تھی، اسد او لیولز کے طالب علم تھے اور مسقط میں رہائش پذیر تھے جبکہ نمرہ پا کستان میں ہی تعلیم حاصل کر رہی تھیں۔

ان دونوں کی شادی تصاویر اور ویڈیوز انٹرنیٹ پر لڑکے کی بہن کی جانب سے شیئر کی گئی تھیں جس کے بعد یہ تصاویر دیکھتے ہی دیکھتے انٹرنیٹ کے ہر پلیٹ فارم پر وائرل ہو گئیں۔

سوشل میڈیا صارفین نے اس کم عمر جوڑے کی شادی کو خوب سراہا اور سوشل میڈیا پر انہیں فالو کرنا بھی شروع کردیا جس کے بعد یہ جوڑا اسٹار بن گیا۔

صارفین کی توجہ اور محبت حاصل کرنے کے بعد نمرہ اور اسد نے یوٹیوب پر وی لاگ بنانا بھی شروع کیے جہاں اُنہیں خوب پذیرائی ملی۔