کوک اسٹوڈیو سیزن 14 کے بلوچی گانے ’کنا یاری‘ سے شہرت حاصل کرنے والے گلوکار عبدالوہاب بگٹی بے گھر ہوگئے۔

سوشل میڈیا پر یہ خبر گردش کر رہی ہے کہ حالیہ بارشوں کے سبب بلوچستان میں آنے والے سیلاب میں گلوکار کا کچی مٹی سے بنا گھر بہہ گیا جس کے بعد اُن کے مداحوں کی جانب سے افسوس کا اظہار کیا جارہا ہے۔

وائرل پوسٹس میں عبدالوہاب کو چند بچوں سمیت بے یار و مددگار کھڑے ہوئے دیکھا جا سکتا ہے۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by DIVA Magazine Pakistan (@divamagazinepakistan)

میڈیا رپورٹس کے مطابق بلوچستان کے علاقے نصیرآباد میں سیلابی صورتحال کے باعث  عبدالوہاب اپنے اہلخانہ کے ہمراہ کُھلے آسمان تلے زندگی گزارنے پر مجبور ہیں۔

دوسری جانب اِن پوسٹس کو دیکھ کر معروف شخصیات کی جانب سے عبدالوہاب کے لیے مدد کی اپیل اور اعلان کیا جا رہا ہے۔

موٹیویشنل اسپیکر منیبہ مزاری نے بھی اپنی ٹوئٹ میں عبدالوہاب کے حالات پر افسوس کا اظہار کیا ہے۔

So heartbreaking! 💔
This is brother Wahab Bugti & this is what he’s going through right now. Allah Rehm! 🤲🏻#Balochistanflood @cokestudio pic.twitter.com/XDx0kXHHpM

— Muniba Mazari (@muniba_mazari) August 21, 2022

معروف گلوکارہ حدیقہ کیانی نے اعلان کیا ہے کہ وہ عطیات جمع کر رہی ہیں اور جَلد ہی وہاب علی بگٹی اور دیگر سیلاب زدگان کی مدد کے لیے بلوچستان پہنچنے والی ہیں۔

یاد رہے کہ کوک اسٹوڈیو سیزن 14 میں بلوچی گانا ‘کنا یاری’ 19 جنوری 2022ء کو ریلیز کیا گیا تھا جسے اب تک 30 ملین سے زائد بار سُنا اور دیکھا جاچکا ہے۔