پاکستانی گلوکارہ قرۃ العین بلوچ نے لیجنڈری سینئر گلوکارہ نیرہ نور کو خراجِ عقیدت پیش کیا ہے۔

قرۃ العین بلوچ نے سوشل میڈیا پر نیرہ نور کی وفات پر افسوس کا اظہار کرتے ہوئے لکھا کہ مجھے اپنی زندگی میں جو حقیقی اعزاز حاصل ہوا وہ یہ تھا کہ مجھے نیرہ نور جی کے ساتھ بیٹھنے اور گہری، بامعنی گفتگو کرنے کا موقع ملا۔

انہوں نے لکھا کہ نیرہ نور ایک ایسی آواز کی مالک تھیں جس نے شاعری کو زندگی بخشی اور وہ آواز جو ہمیشہ زندہ رہے گی۔

The true privilege I have had in my life was to have been given the opportunity to sit with Nayyara Noor Jee and have conversations that were deep and meaningful and not of this world. The voice that gave life to poetry. The voice that’ll be Forever. https://t.co/WYkZqwwLGk

Advertisement

— Quratulain Balouch (@Quratulainb) August 21, 2022

گزشتہ روز پاکستان کی نامور گلوکارہ نیّرہ نور انتقال کر گئیں، ان کی عمر 72 برس تھی اور وہ کافی عرصے سے علیل تھیں۔

خاندانی ذرائع کے مطابق نیرہ نور کی نماز جنازہ ڈی ایچ اے فیز 4 مسجد و امام بارگاہ یثرب میں ادا کی گئی۔

واضح رہے کہ  نیرہ نور 1950 میں گوہاٹی آسام میں پیدا ہوئی تھیں، 1971 میں نیرہ نور نے پاکستان ٹیلی وژن کے ڈرامہ سیریل سے گانے کا آغاز کیا، 1973 میں انہوں نے فلم گھرانہ اور تسنین سے فلموں میں گانے کا آغاز کیا۔

نیرہ نور نے معروف شعرا غالب، فیض احمد فیض کی غزلیں گائیں، مہدی حسن اور احمد رشدی کے ساتھ پُرفارم کیا۔

نیّرہ نور کو فنی خدمات کے اعتراف میں ان کے فنی سفر کے دوران پرائڈ آف پرفارمنس، نگار اور دیگر متعدد اعزازات سے نوازا گیا۔

2005 میں انھیں حکومت پاکستان نے صدارتی تمغہ برائے حسنِ کارکردگی سے نوازا۔

ملی نغموں میں بھی نیّرہ نور نے سامعین کے دلوں کو گرمایا اور پلے بیک سنگنگ میں بھی اپنی گائیکی کا بھرپور مظاہرہ کیا۔

عظیم گلوکارہ نیّرہ نور انتقال کرگئیں
نماز جنازہ آج سہ پہر 4 بجے ادا کی جائے گی#nayyaranoor #pakistanisinger #passedaway #breakingnews #bolnews pic.twitter.com/tk8rdrpqbe

Advertisement

— BOLNetwork (@BOLNETWORK) August 21, 2022

نیّرہ نور نے برسوں پہلے گلوکاری چھوڑ دی تھی لیکن ان کے گائے گیت اور غزلیں ہر دور میں مقبول و معروف رہیں۔

انہوں نے  اپنا فنی سفر 70 کی دہائی سے شروع کیا تھا، اور فلموں اور ڈراموں کے لیے بھی پلے بیک سنگنگ کی۔

نیرہ نور نے آل پاکستان میوزیکل کانفرنس میں 3 گولڈ میڈیل جیتے تھے، انہیں فلم گھرانہ کے گانوں پر نگار ایوارڈ سے بھی نوازا گیا تھا۔