پاکستان شوبز انڈسٹری کے معروف اداکار شہریار منور نے اداکارہ سجل علی کے ساتھ بولڈ فوٹو شوٹ پر بالآخر خاموشی توڑ دی۔

شہر یار منور نے حال ہی میں اداکارہ سجل علی کے ساتھ اپنی کچھ بے باک تصاویر شئیر کیں، جس کے بعد اداکار کو سوشل میڈیا صارفین کی جانب شدید تنقید کا نشانہ بنایا گیا۔

گزشتہ روز اداکار نے ایک انٹرویو میں اپنے اور سجل علی پر ہونے والی تنقید کا جواب دیتے ہوئے کہا کہ اگر مجھے کسی بیوہ کے ساتھ محبت ہو جاتی ہے تو پھر یہ بات کوئی معنی نہیں رکھے گی کہ وہ بیوہ ہے تاہم اگر اس خاتون کے پہلے سے بچے ہیں تو میں اس کے ساتھ تعلق میں زیادہ محتاط ہو جاﺅں گا۔

انہوں نے کہا کہ جب آپ ایسی بیوہ خاتون کے ساتھ شادی کرتے ہو، جس کے بچے ہیں تو آپ کو ان بچوں کے باپ کا کردار اپنانا ہوتا ہے اور اس کے لیے آپ کو تیار ہونا چاہئیے۔

اس سے قبل بھی اداکار شہریار منور نے فوٹو اینڈ ویڈیو شیئرنگ ایپ انسٹاگرام پر بولڈ فوٹو شوٹ کی چند تصاویر شیئر کرتے ہوئے تنقید کرنے والوں کو آڑے ہاتھوں لے لیا تھا۔

انہوں نے تصویر کے کیپشن میں لکھا تھا کہ اس بات کا خیال رکھیں کہ ہم مختلف کرداروں کو نبھانے والے اداکار ہیں، ہمارے کرداروں سے محظوظ ہوں، یہ ہی آرٹ ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Sheheryar Munawar Siddiqui (@sheheryarmunawar)

Advertisement

اداکار کا لکھنا تھا کہ اس گلیمرز شوٹ کا خیال امریکی مصنف آرتھر ملر اور اداکارہ مارلن منرو کے رومانوی تعلقات سے لے کر ہندوستانی ہدایت کار کمال امروہی اور اداکارہ مینا کماری کی محبت ، شادی اور پھر اختلافات جیسی حقیقی کہانیوں سے ماخوذ کیا گیا ہے۔

شہریار منور نے ایک تصویر کا حوالہ دیتے ہوئے کہا تھا کہ آرٹسٹ اپنے محبوب کا مجسمہ بنانے کی بجائے اپنا مجسمہ تراش رہا ہے جو اس کی خود پسندی کو ظاہر کر رہا ہے جسے ازدواجی رشتے میں بدسلوکی و زیادتی کے استعارے کے طور پر استعمال کیا گیا ہے۔

انہوں نے لکھا تھا کہ یہ ہی آرٹ ہے اور اس سے لطف اندوز ہوں۔

واضح رہے کہ اداکار شہریار منور اور اداکارہ سجل علی کے بولڈ فوٹو شوٹ کو سوشل میڈیا صارفین کی جانب سے سخت تنقید کا نشانہ بنایا جارہا ہے۔