بول انٹرٹینمنٹ کے سپراسٹار، ٹک ٹاکر اور یوٹیوبر سلمان نعمان اب کسی تعریف کے محتاج نہیں،سوشل میڈیا صارفین ان کی ویڈیوز کو ان کے منفرد انداز کے باعث بےحد پسند کرتے ہیں۔

سلمان نعمان کی ہر نئی ویڈیو 24 گھنٹے سے بھی کم وقت میں دس لاکھ سے زیادہ صارفین دیکھ لیتے ہیں ۔

 سلمان نعمان سے آنے والے وقت میں سوشل میڈ یا کے لئے مزید اچھا کام کرنے کی توقع کی جا سکتی ہے کیونکہ وہ ورسٹائل ہیں اور نئے آئیڈیاز لاتے ہیں ، اپنے مزاحیہ مواد اور میوزک سے  پچھلے ایک سال کے دوران یوٹیوب پر دھوم مچا دی اوران کے 80 لاکھ سے زیادہ سبسکرائبر ہیں۔

بول کے سپر اسٹار سلمان نعمان اکثر مزاحیہ مواد بناتے ہیں لیکن  بہت کم لوگ جانتے ہیں کہ  وہ ایک موسیقار بھی ہیں۔

انہوں نے دو سال قبل اپنا گانا ریلیز کیا تھا، لیکن انہوں نے بطور سنگر اپنی صلاحیتوں کو مسلسل منوانے کا ارداہ کبھی ترک نہیں کیا لیکن اب وہ زیادہ تر یو ٹیوب کے لئے ہی ویڈیو زبناتے نظر آتے ہیں۔

ایک حالیہ انٹرویو میں، انہوں نے کہاکہ یوٹیوب نے جو شارٹس فارمیٹ لانچ کیے ہیں اس سے وہ بے حد خوش ہیں ، کیونکہ یہ ٹک ٹاک سے نہ صرف ملتے جلتے ہیں بلکہ کم سے کم وقت میں ان کی شارٹ ویڈیوز کو ہر ماہ لاکھوں ویوز بھی مل جاتے ہیں۔

آٹھ ملین سے زائد فالوورز رکھنے والے یوٹیوبر نے گائیکی سے اپنے لگاؤ کے حوالے سے بات کرتے ہوئے کہاکہ میں نے 9 نومبر 2020 میں ہوا جو پیار کے نام سے اپنا پہلا گانا لانچ کیا اور یہ یوٹیوب پر بہت ہٹ ہوا، میں نے صرف 2 دنوں میں ایک ملین ویوز حاصل کیے۔ مجھے اس کے بارے میں بہت مثبت رائے ملی اور پھر کچھ مہینوں بعد میں نے دو اور گانے لانچ کیے: مناتاں اور باپ نہ بن، جو کامیاب بھی رہے۔ میں نے کبھی سوچا بھی نہیں تھا کہ مجھے اپنے سامعین سے اتنی محبت ملے گی اور میں ان کا بہت شکر گزار ہوں۔”

نامور یوٹیوبر اور ٹک ٹاکت نے بتایاکہ ” مجھے گانا پسند ہے اس لیے موسیقی میری زندگی ہے اور لوگ میری کامیڈی کو پسند کرتے ہیں اس لیے کبھی کبھی میں مشہور گانوں کی پیروڈی بھی بناتا ہوں اور لوگ انہیں پسند کرتے ہیں۔ میں نے ایک بار Despacito 2.0 کے نام سے  گانے کی پیروڈی بنائی تھی اور یہ ایک بہت بڑی کامیابی تھی۔ مجھے یوٹیوب پر 11 ملین ویوز ملے جس نے مجھے سکھایا کہ کامیڈی اور گانوں کو ایک ساتھ ملانا اچھا کام کر سکتا ہے اور یہ مجھے پسند ہے، جو اسے پرفیکٹ بناتا ہے۔

ان کا کہنا ہےکہ میں ہمیشہ یہ سوچنے کے لیے جدوجہد کرتا ہوں کہ مجھے اپنا اگلا گانا کب لانچ کرنا چاہیے کیونکہ یہ بہت مشکل کام ہے۔ اگر آپ کچھ نیا شروع کر رہے ہیں، تو آپ ہمیشہ کسی خاص موقع کے ارد گرد بہترین وقت تلاش کرتے ہیں کیونکہ آپ زیادہ سے زیادہ آراء اور زیادہ سے زیادہ سامعین چاہتے ہیں، ہر گلوکار اپنی پوری کوشش کرتا ہے اور وہ چاہتے ہیں کہ ان کی آواز زیادہ سے زیادہ سنی جائے۔

سلمان نعمان نے کہاکہ میرا خیال ہے کہ میں اپنا اگلا نیا گانا کرسمس کے موقع پر لانچ کرو کیونکہ اس وقت لوگوں کی چھٹیاں ہو تی ہیں اور گانا اس دوران زیادہ دیکھا اور سنا جائے گا۔