مشہور ٹِک ٹاک اسٹار کو اطالوی شہریت مل گئی

ویب ڈیسک

20th Aug, 2022. 04:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشہور ٹِک ٹاک اسٹار کو اطالوی شہریت مل گئی

کم عرصے میں شہرت کی بلندیوں کو چھونے والے ٹِک ٹاکر کھابے لامے کو اطالوی شہریت مل گئی۔

کھابے لامے نے اٹلی کے شہر ٹیورن کے علاقے کِواسو میں رواں ہفتے اطالوی ریاست کے وفادار رہنے اور آئین اور قوانین کی پاسداری کا حلف اٹھایا۔

کھابے لامے کا خاندان سینیگال سے اس علاقے میں 21 سال قبل منتقل ہوا تھا۔

شہریت دیے جانے کے لیے منعقد تقریب میں ٹک ٹاکر کا کہنا تھا کہ مجھے بہت فخر ہے، میں آج سے پہلے بھی خود کو اطالوی محسوس کرتا تھا کیوںکہ میں ہمیشہ یہیں رہا ہوں اور میں نے جو حلف اٹھایا اس کے متعلق ذمہ داری کو سمجھتا ہوں، یہ محض الفاظ نہیں ہیں۔

گزشتہ برس نیویارک ٹائمز سے کی جانے والی گفتگو میں انہوں نے اپنے تاثرات کو عالمی زبان قرار دیتے ہوئے کہا تھا کہ یہ میرا چہرا اور تاثرات ہیں جو لوگوں کو ہنساتے ہیں۔

واضح رہے کہ کھابے لامے نے اپنے ٹِک ٹاک کیریئر کا آغاز 2020 میں اٹلی میں لگنے والے لاک ڈاؤن کی وجہ سے نوکری سے نکالے جانے کے بعد کیا تھا۔

ان دو سالوں میں انہیں ڈیجیٹل دنیا میں ڈرامائی عروج حاصل ہوا اور تیزی سے 14 کروڑ 80 لاکھ فالورز تک پہنچنے والے کھابے ٹِک ٹاک تخلیق کاروں کی فہرست میں عالمی سطح پر پہلے نمبر پر ہیں۔