پاکستان کے معروف اداکار شہروز سبزواری سبزواری نے اپنی 35ویں سالگرہ فیملی کے ہمراہ منائی ہے۔

اداکار شہروز نے اپنا برتھ ڈے ڈنر والدین  اور اہلیہ صدف کنول کے ساتھ منایا جو کہ ان کی پہلی آؤٹنگ پوسٹ تھی جس میں ان کی بیٹی کے ساتھ ساتھ  کزن اور دوست بھی تھے۔

وائرل تصاویر میں دیکھا جاسکتا ہے کہ اداکار سمیت پوری فیملی نے سیاہ لباس کا انتخاب کیا۔

شہروز سبزواری کی تصاویر کو مداحوں کی جانب سے بہت پسند کیا جارہا ہے اور تعریفی کامنٹس کا سلسلہ بھی شروع ہوچکا ہے۔

اس سے قبل اداکار شہروز سبزواری اور صدف کنول کے ہاں پہلی بیٹی کی پیدائیش ہوئی تھی اور اس جوڑی نے بیٹی کا نام سیدہ زہرا سبزواری رکھا تھا۔

یار رہے کہ اداکارہ مہرین سید کی جانب سے انسٹا گرام اکاؤنٹ پر شہروز سبزواری اور اُن کی نومولود بیٹی کی تصاویر شئیر کی گئی تھیں۔

مہرین سید نے اداکار شہروز اور صدف کو بیٹی کی پیدائش کی مبارک باد دیتے ہوئے پوسٹ کے کیپشن میں لکھا تھا کہ ماشاءاللّٰہ، اللّٰہ کی رحمت۔

دوسری جانب شوبز انڈسٹری سمیت متعدد حلقوں کی جانب سے اس جوڑی کو والدین بننے پر مباکبادیں موصول ہو ئی تھیں۔

واضح رہے کہ اداکار شہروز اور صدف کی یہ پہلی اولاد ہے جبکہ اس سے قبل شہروز کی اپنی سابقہ اہلیہ و اداکارہ سائرہ یوسف سے بھی ایک بیٹی نورح ہے۔