پاکستان کی نامور اداکارہ ازیکا ڈینیل نے دعویٰ کیا ہے کہ ان کے ساتھ کامیڈی شو کی شوٹنگ کے دوران توہین آمیز مذاق کیے گئے۔

     ازیکا ڈینیل نے اپنے ٹوئٹر اکاؤنٹ پر کی جانے والی ٹوئٹ میں دعویٰ کیا ہے کہ اداکارہ کے ساتھ مذاق کے نام پر توہین آمیز گفتگو کی گئی۔

So today I walked out of a show because some comedians clearly don’t understand the difference between humour or degrading someone.
Tears rolled down as I left the set full of people. Jokes are meant to be funny not hurt someone’s feelings.

— Azekah Daniel (@azekahdaniel1) September 3, 2022

اداکارہ نے اپنے ٹوئٹ میں لکھا کہ ایک شو کی شوٹنگ کے دوران روتے ہوئے انہیں اس لیے جانا پڑا کیوںکہ کچھ کامیڈین مزاح نگاری اور کسی کی تضحیک میں کوئی فرق نہیں سمجھتے۔

انہوں نے لکھا کہ انہیں آنسوؤں کے ساتھ لوگوں سے بھر ہوئے سیٹ کو چھوڑنا پڑا۔

ازیکا ڈینیل نے لکھا کہ لطیفوں کا مقصد مذاق کرنا ہوتا ہے، کسی کی توہین کرنا نہیں ہوتا اور کامیڈینز کو اس فرق کو سمجھنا پڑے گا۔

اداکارہ کے اس ٹوئٹ کو دیگر سوشل میڈیا پلیٹ فارمز نے بھی شیئر کیا اور لوگوں نے ان سے شو کا نام بھی پوچھا۔

زیادہ تر لوگوں نے ان کی بات سے اتفاق کیا اور لکھا کہ آج کل کے شوز میں شریک زیادہ تر کامیڈین تھیٹرز ڈراموں سے آئے ہوئے ہیں اور تھیٹرز کا کیا حال ہے، یہ ہر کوئی جانتا ہے۔

لوگوں نے ازیکا ڈینیئل سے ہمدردی کا اظہار کرتے ہوئے یہ مطالبہ کیا کہ وہ اس شو کا نام ضرور سامنے لائیں تاکہ معلوم ہو کہ کس شو میں کس طرح کے کند ذہن کامیڈین موجود ہیں تاہم اداکارہ نے لوگوں کے اسرار کے باوجود شو کا نام نہیں بتایا۔

اس سے قبل ازیکا ڈینیل نے انکشاف کیا تھا کہ وہ شوبز کی فیلڈ میں آنے سے قبل قومی ایئر لائن پی آئی اے میں نوکری کرتی تھیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Entertainment Website (@starsworld.pk)

سوشل میڈیا رپورٹس کے مطابق اداکارہ ازیکا ڈینیل نے گزشتہ دنوں ایک ٹاک شو میں بطور مہمان شرکت کی اور اس دوران اپنی نجی و پیشہ ورانہ زندگی سے متعلق بھی گفتگو کی۔

ازیکا ڈینیل نے بتایا کہ وہ شوبز میں جب آئی تھیں تو اُس وقت وہ ایئر لائن میں جاب کرتی تھیں، وہ اس انڈسٹری میں آنے سے قبل پی آئی اے میں بطور کیبن کریو کام کیا کرتی تھیں۔