بول انٹرٹینمنٹ اپنے ناظرین کے لیے معلومات اور تفریح سے بھرپور ایک نیا منفرد اور دلچسپ گیم شو ’’چھٹی کے بچے آپ سے اچھے‘‘ لارہا ہے۔ 

پاکستان کا نمبر ون انٹرٹینمنٹ چینل اپنی ناظرین کی دلچسپی کو مد نظر رکھتے ہوئے آئے دن نت نئے پروگرام نشر کرتا رہتا ہے اور بول انٹرٹینمنٹ پر نشر ہونے والے پروگرامز کی دلچسپ بات ہے کہ اس میں نہ صرف عوام کی بڑی تعداد شرکت کرتی ہے بلکہ انہیں انعامات بھی دیے جاتے ہیں۔

اس بار بول انٹرٹینمنٹ نے ایک منفرد گیم شو لانچ کرنے کا فیصلہ کیا ہے جو معلومات اور تفریح سے بھرپور ہوگا اور اس پروگرام میں بچوں کے ساتھ بڑی عمر کے افراد بھی شرکت کریں گے اور وہ موازنہ آج کی نئی نسل سے کریں گے۔

گیم شو کا میزبان کون؟ انتظار ختم، نام سامنے آگیا

بول انٹرٹینمنٹ کےاس نئے گیم شو ’’چھٹی کے بچے آپ سے اچھے‘‘ کی میزبانی پاکستان شوبز انڈسٹری کے نامور اداکار اور کامیڈین احمد علی بٹ کے سپرد کر دی گئی ہے، جوکہ کسی تعریف کے محتاج نہیں ۔

گیم شو کا ٹیزر دیکھیں:

 بول نیٹ ورک پر گیم شو ’چھٹی کے بچے آپ سے اچھے‘ کا ٹیزر بھی جاری کردیا ہے جس سے بخوبی اندازہ لگایا جاسکتا ہے کہ اس پروگرام کا ماحول کیا ہوگا اور اس میں کس قسم کے سوالات کیے جائیں گے جب کہ یوٹیوب پر پروگرام کا ٹیزر جاری ہوتے ہی یہ صارفین کی توجہ حاصل کرنے میں بھی کامایب ہوگیا ہے۔

گیم شو ’چھٹی کے بچے آپ سے اچھے‘ میں  مختلف شخصیات شرکت کریں گی اور اس گیم شو میں اسکول کے بچوں کو بھی شرکت کا موقع دیا جائے گا۔

گیم شو میں دو ٹیمیں  مدمقابل ہوں گی اور سامنے کھڑے امیدوار سے چھٹی کلاس کی کتاب سے مختلف سوالات کیے جائیں گے اوراس دوران ان کی ٹیم کے بچے ان کی بھرپور رہنمائی کریں گے جب کہ جیتنے والی ٹیم کو مختلف تحائف بھی دیے جائیں گے۔