راحت فتح علی خان کا تعلق لیجنڈ گلوکاروں کی ایک طویل قطار سے ہے۔

 ان کے دادا فتح علی خان ایک لیجنڈ تھے اور ان کے چچا نصرت فتح علی خان نے دنیا بھر کے تمام ریکارڈ توڑ ڈالے تھے۔

 وہ ایسے گلوکار تھے جنہوں نے قوالی کو بین الاقوامی سطح پر پہنچایا اور سب کو اپنی موسیقی پر رقص کرنے پر مجبور کیا۔

 نصرت فتح علی خان ایک لیجنڈ اور سدا بہار آواز ہیں جب کہ راحت فتح علی خان خود اپنے ملک کی نمائندگی کرتے ہیں۔ انہیں خود لیجنڈ نصرت فتح علی خان نے پڑھایا تھا۔

ایسا لگتا ہے کہ طویل میراث جاری رہے گی کیونکہ راحت فتح علی خان نے اپنے بیٹے شازمان فتح علی خان کو یہ فن سکھایا ہے اور وہ اپنے لیجنڈ آباؤ اجداد کی وراثت کو آگے لے کر چلیں گے۔

 حال ہی میں راحت فتح علی خان نے لندن میں ایک کنسرٹ کے دوران اپنے بیٹے شازمان کا تعارف کرایا، ان کے بیٹے نے کنسرٹ میں اپنے والد کے انداز کو کاپی کیا اور وہاں موجود لوگوں کے دل جیت لیے۔

اس سے قبل استاد راحت فتح علی خان نے عالمی وباء کورونا وائرس کے باعث دو سال کے وقفے کے بعد لندن کا میلہ لوٹ لیا تھا۔

دو سال سے استاد راحت فتح علی خان کی موسیقی کے دیوانے بے قرار تھے، شائقینِ موسیقی نے خوب انجوائے کیا تھا۔

سلمان احمد نے استاد راحت فتح علی خان کے ساتھ جاری سفر کے شاندار  10 برس مکمل ہونے کا جشن بھی منایا تھا۔

اس موقع پر استاد راحت فتح علی خان نے دلی خوشی کا اظہار کیا اور سلمان احمد کے ساتھ سفر کو دلکش قرار دیا تھا۔