اسکوئیڈ گیم کے لی جنگ جے ایمی ایوارڈ جیتنے والے پہلے ایشیائی اداکار بن گئے

ویب ڈیسک

13th Sep, 2022. 07:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسکوئیڈ گیم کے لی جنگ جے ایمی ایوارڈ جیتنے والے پہلے ایشیائی اداکار بن گئے

اسکوئیڈ گیم کے لی جنگ جے ایمی ایوارڈ جیتنے والے پہلے ایشیائی اداکار بن گئے ہیں۔

غیر ملکی میڈیا کے مطابق لاس اینجلس میں ایمی ایوارڈز کی رنگا رنگ تقریب کا انعقاد ہوا جس میں ہالی ووڈ اداکاروں کی بڑی تعداد نے شرکت کی۔

ایمی ایوارڈز میں جنوبی کوریا سے تعلق رکھنے والے اداکار کو اسکوئیڈ گیم میں Seong Gi-hun کا کردار ادا کرنے پر یہ ایوارڈ دیا گیا۔

نیٹ فلکس کی سیریز اسکوئیڈ گیم کے ڈائریکٹر اور رائٹر ہوانگ ڈونگ ہیوک نے بہترین ڈرامہ سیریز ڈائریکٹر کا ایوارڈ اپنے نام کیا اور وہ یہ اعزاز حاصل کرنے والے پہلے ایشیائی ڈائریکٹر بھی ہیں۔

2021 میں ریلیز ہونے والی یہ سیریز اسٹریمنگ سروس کی سب سے زیادہ دیکھے جانے والی سیریز ہے۔

یہ پہلی بار ہے جب ایمی ایوارڈز کے لیے انگلش سے ہٹ کر کسی اور زبان کی سیریز کو آؤٹ اسٹینڈنگ ڈرامہ سیریز کی کیٹیگری کے لیے نامزد کیا گیا تھا۔

ایوارڈ لینے کے بعد ڈائریکٹر ہوانگ ڈونگ نے توقع ظاہر کی کہ یہ ان کا آخری ایمی ایوارڈ نہیں ہوگا۔

واضح رہے کہ اسکوئیڈ گیم کے دوسرے سیزن کا اعلان ہوچکا ہے جو 2023 یا 2024 میں ریلیز کیا جاسکتا ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News