پاکستان شوبز انڈسٹری کی مشہور و معروف اداکارہ ڈاکٹر شائستہ لودھی ڈینگی کی بگڑتی ہوئی صورتحال سے پریشان ہوگئیں۔

سماجی رابطے کی ویب سائٹ ٹوئٹر پر اپنے ایک بیان میں اداکارہ نے محکمہ صحت سندھ کی جانب سے جاری کردہ ڈینگی کے مریضوں کے اعداد و شمار جاری کر دیئے۔

The 2 metropolitan cities,Khi & Rwp have their large population and limited resources in common.Just like every year, they r vulnerable to the dengue virus. In the last 24 hours Khi reported 9 deaths & almost 1400+ +ve cases in Sept only while Rwp reported 5 deaths & 750cases. pic.twitter.com/QyKz6tJIlE

— Dr. Shaista Lodhi (@IamShaistaLodhi) September 14, 2022

انہوں نے اپنے ٹوئٹ میں لکھا کہ 2 میٹروپولیٹن شہروں کراچی اور راولپنڈی میں دو باتیں مشترک ہیں کہ ان کی آبادی بڑی اور وسائل محدود ہیں، ہر سال کی طرح دونوں شہر ڈینگی وائرس کا شکار ہیں۔

ان کا کہنا تھا کہ گزشتہ 24 گھنٹوں کی جاری کردہ رپورٹ کے مطابق کراچی میں صرف ستمبر میں 9 اموات اور تقریباً 1400 سے زائد ڈینگی کے مثبت کیسز رپورٹ ہوئے جبکہ راولپنڈی میں 5 اموات اور 750 کیسز رپورٹ ہوئے۔

اداکارہ نے کہا کہ ہر روز اس ملک میں تباہی کے نئے ریکارڈ ٹوٹتے ہیں، ہر موسم گرما میں ہم ڈینگی کے مثبت کیسز میں اضافہ دیکھتے ہیں۔

Everyday this country breaks a new record in terms of devastation.

Advertisement

Each summer, we see a rise in dengue positives.
It is a constant battle to just stay alive in Pakistan. Meanwhile the state does the bare minimum to ensure our safety.

— Dr. Shaista Lodhi (@IamShaistaLodhi) September 14, 2022

ڈاکٹر شائستہ لودھی کا کہنا تھا کہ پاکستان میں زندہ رہنے کیلئے ایک مستقل جنگ جاری ہے جبکہ ریاست ہماری حفاظت کو یقینی بنانے کیلئے کم سے کم اقدامات کرتی ہے۔

ان کا کہنا تھا کہ کراچی سمیت پورے سندھ کی یہی صورتحال ہے نہ صرف ڈینگی بلکہ ملیریا اور ڈائریا بھی وبا کی صورت اختیار کر چکا ہے۔

پاکستان شوبز انڈسٹری کی مشہور و معروف اداکارہ ڈاکٹر شائستہ لودھی نے مزید کہا کہ سرکاری اور نیم سرکاری اسپتالوں میں بیڈز کم پڑ گئے ہیں، بڑی تعداد میں اموات ہو رہی ہیں، خاص طور پر بچوں کیلئے بہت برا وقت ہے۔