پاکستان کی مشہور و معروف اداکارہ بشریٰ انصاری اور گلوکار اذان سمیع خان کی ڈانس ویڈیو سوشل میڈیا پر وائرل ہو گئی ہے۔

ویڈیو میں دیکھا جاسکتا ہے کہ سینئر اداکارہ بشریٰ انصاری اور گلوکار اذان سمیع خان بھارت کے مشہور گانے جا پڑوسی کے چولہے سے آگ لے لے پر ڈانس کر رہے ہیں۔

 ویڈیو کو ابتک لاکھوں لوگ دیکھ چکے ہیں اور سوشل میڈیا صارفین کی جانب سے خوب پسند بھی کیا جارہا ہے۔

بشریٰ انصاری کا سابق شوہر سے متعلق اہم انکشاف

پاکستان شوبز انڈسٹری کی سینئر اداکارہ بشریٰ انصاری نے اپنے سابق شوہر سے متعلق اہم انکشاف کیا تھا۔

سوشل میڈیا پر اداکارہ بشریٰ انصاری کا ایک ویڈیو کلپ وائرل ہو گیا تھا جس میں وہ اپنے سابق شوہر سے متعلق اہم انکشافات کر رہی تھیں۔

میزبان کی جانب سے بشریٰ انصاری سے سوال کیا گیا تھا کہ جب آپ کے ہاں بچے کی پیدائش ہونے والی تھی تو کیا آپ کی گود بھرائی کی رسم ہوئی تھی؟

سوال کے جواب میں انہوں نے کہا تھا کہ نہیں ہم نے ایسا کبھی نہیں کیا، میری والدہ کا خاندان لاہور شفٹ ہو گیا تھا، میں اور میرے شوہر اسلام آباد میں تھے۔

اداکارہ نے کہا تھا کہ میرے شوہر ان تمام مضحکہ خیز چیزوں کو ناپسند کرتے تھے، وہ ان رسومات کو غیر اہم سمجھتے تھے۔

بشریٰ انصاری نے کہا تھا کہ میرے شوہر نے تو کبھی مجھے ایک پھول تک نہیں دیا تھا تو پھر گود بھرائی کی رسم تو بہت دور کی بات ہے۔

یاد رہے کہ اداکارہ بشریٰ انصاری نے 1978 میں پروڈیوسر اقبال انصاری سے شادی کی تھی جن سے اُن کی 2 بیٹیاں ناریمن انصاری اور میرا انصاری ہیں۔

2019 میں انہوں نے اقبال انصاری سے طلاق لے لی تھی، جس کے بعد یہ خبریں سامنے آئی تھی کہ انہوں نے اداکار و ہدایت کار اقبال حسین سے دوسری شادی کر لی۔