متھیرا گلوکارہ آئمہ بیگ کے حق میں بول پڑیں

ویب ڈیسک

22nd Sep, 2022. 04:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

متھیرا گلوکارہ آئمہ بیگ کے حق میں بول پڑیں

پاکستان کی میزبان متھیرا، شہباز شگری کو دھوکا دینے کے الزامات پر آئمہ بیگ کے حق میں بول پڑیں۔

متھیرا کی جانب سے اپنی انسٹا اسٹوری پر آئمہ بیگ کی حمایت کرتے ہوئے لکھا گیا کہ مجھے یہ دیکھ کر بہت برا محسوس ہورہا ہے کہ لوگوں کی وجہ سے آئمہ بیگ کو کافی مشکل وقت سے گزرنا پڑرہا ہے۔

میزبان نے لکھا کہ اگر کوئی شخص مشہور ہے تو اس کا ہرگز مطلب یہ نہیں کہ ان کی کوئی اپنی نجی زندگی نہیں ہے۔

اُنہوں نے لکھا کہ یہ انتہائی افسوسناک بات ہے کہ لوگ سچ جانے بغیر اپنی رائے قائم کرلیتے ہیں اور کسی کی نجی زندگی کا تماشا بنا دیتے ہیں۔

متھیرا نے مداحوں سے اپیل کرتے ہوئے کہا کہ شہباز اور آئمہ کو وقت دیں، یہ ان کی نجی زندگی ہے، پر سکون رہیں اور اس طرح کسی کی ذہنی صحت کو خطرے میں نہ ڈالیں۔

واضح رہے کہ برطانوی ماڈل طلولہ مائر نے چند روز قبل سے ایک مہم جاری کی ہے جس میں وہ آئمہ بیگ اور اپنے سابق بوائے فرینڈ قیس احمد کے تعلقات کو منظرِ عام پر لا رہی ہیں۔

طلولہ کی جانب سے دعویٰ کیا گیا کہ آئمہ بیگ نے شہباز شگری سے منگنی کے باوجود قیس احمد سے تعلقات رکھے اور اپنے منگیتر کو دھوکا دیا۔

انہوں نے بطور ثبوت متعدد اسکرین شاٹس اور وائس کال بھی سوشل میڈیا پت شیئر کی۔