ہالی ووڈ کی چند مشہور اداکارائیں جنہوں نے ملکہ برطانیہ الزبتھ دوم کا کردار ادا کیا تھا۔

ملکہ الزبتھ دوم کی زندگی پر کئی فلمیں اور ٹی وی سیریز بنائی جا چکی ہیں، جن میں نامور ہالی ووڈ اداکاراؤں نے ملکہ کا کردار ادا کیا تھا۔

برطانوی ٹیلی فلم پلے ہاؤس پریزنٹ: واکنگ دی ڈاگز میں اداکارہ ایما تھامسن نے ملکہ الزبتھ دوم کا کردار ادا کیا تھا۔

اسٹیج ڈرامے دی آڈینس میں اداکارہ ہیلن میرن اور کرسٹن اسکاٹ تھامس دونوں نے بالترتیب ملکہ برطانیہ کا کردار ادا کیا تھا۔

کرسٹن سکاٹ تھامس نے 2015ء میں لندن کے اپولو تھیٹر میں اس کردار کو سنبھالا تھا۔

ملکہ برطانیہ کی زندگی اور ان کی میراث پر مبنی نیٹ فلکس کی سیریز دی کراؤن سب سے مشہور سیریز ہے۔

سیریز دی کراؤن کے سیزن 3 اور 4 میں اداکارہ اولیویا کولمین نے ملکہ برطانیہ کا کردار ادا کیا اور بہترین اداکاری پر ایمی ایوارڈ اور گولڈن گلوب ایوارڈ حاصل کیا۔

اس کے علاوہ نیٹ فلکس کی سیریز دی کراؤن میں ملکہ کا کردار ادا کرنے والی پہلی اداکارہ کلیئر فوائے تھیں جنہوں نے ملکہ کا کردار ادا کرنے پر گولڈن گلوب اور اسکرین ایکٹرز گلڈ ایوارڈ جیتا۔

سیریز کا پریمیئر 2016ء میں ہوا اور کلیئر فوائے نے اس سیریز کے پہلے دو سیزنز میں کام کیا۔

اسٹیفن فریئرز کی 2006ء میں ریلیز ہونے والی فلم دی کوئین میں  اداکارہ ہیلن میرن نے ملکہ برطانیہ کا کردار ادا کیا تھا۔

اداکارہ نے اس فلم میں اپنی شاندار اداکاری پر اکیڈمی ایوارڈ بھی جیتا جبکہ اس فلم کو بہترین فلم، بہترین اوریجنل اسکرین پلے اور بہترین ہدایت کاری کے لیے بھی نامزد کیا گیا تھا۔