بالی ووڈ اداکارہ اروشی روتیلا نے بھارتی کرکٹر رشبھ پنٹ سے معافی مانگ لی ہے۔

اداکارہ کی ایک ویڈیو سوشل میڈیا پر وائرل ہوگئی ہے جس میں دیکھا جاسکتا ہے کہ اورشی روتیلا کرکٹر رشبھ پنٹ سے معافی مانگ رہی ہیں۔

https://twitter.com/superking1815/status/1569653588049428480?ref_src=twsrc%5Etfw%7Ctwcamp%5Etweetembed%7Ctwterm%5E1569653588049428480%7Ctwgr%5Ebbb491fa7d0c62155b71a922c27c14c3bcf54f8e%7Ctwcon%5Es1_&ref_url=https%3A%2F%2Fjang.com.pk%2Fnews%2F1135822

ویڈیو میں ایک صحافی کو یہ کہتے ہوئے دیکھا جاسکتا ہے کہ اروشی، آپ رشبھ پنٹ کو کیا پیغام دینا چاہیں گی۔

جس پر اداکارہ نے کہا کہ میں صرف اتنا کہنا چاہوں گی کہ مجھے معاف کردیں۔

گزشتہ کئی دنوں سے سوشل میڈیا پر اروشی روتیلا اور رشبھ پنٹ کے درمیان لفظی جنگ جاری تھی۔

 اداکارہ نے دعوٰی کیا تھا کہ ایک ’آر پی‘ نامی شخص نے ان سے ملنے کے لیے ہوٹل میں کئی گھنٹے انتظار کیا۔

انہوں نے کہا تھا کہ دہلی میں ایک شوٹنگ کے دوران اُنہیں تیار ہونے میں زیادہ وقت لگا اور اس دوران ایک صاحب ہوٹل کی لابی میں آئے لیکن وہ اپنی شوٹنگ کے بعد اپنے کمرے میں جاکر سوگئیں اور اُنہوں نے کوئی فون کال بھی ریسیو نہیں کی، اس لیے ملنے کے لیے جو صاحب آئے تھے اُنہیں کافی انتظار کرنا پڑا۔

اس انٹرویو کے بعد بھارتی کرکٹر رشبھ پنٹ نے اپنی  انسٹا اسٹوری میں لکھا تھا کہ لوگ کیسے خبروں میں رہنے اور سستی شہرت حاصل کرنے کے لیے انٹرویوز میں جھوٹ بولتے ہیں، میرا پیچھا چھوڑ دو بہن۔

جس کے بعد اروشی نےاپنے ٹوئٹ میں لکھا تھا کہ چھوٹو بھیا کو کرکٹ کھیلنا چاہئیے، میں کوئی مُنی نہیں ہوں جو ڈارلنگ تیرے لیے بدنام ہوجاؤں گی۔

یاد رہے کہ اروشی روتیلا نے کچھ عرصے پہلے دعویٰ کیا تھا کہ وہ رشبھ پنٹ کو ڈیٹ کررہی ہیں لیکن رشبھ پنٹ نے اس بات کی تردید کرتے ہوئے اُنہیں سوشل میڈیا پر بلاک کردیا تھا۔