ارم جہانگیر اعوان کی بطور پروڈیوسر ڈرامہ انڈسٹری میں انٹری

معین زبیر

25th Oct, 2022. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ارم جہانگیر اعوان کی بطور پروڈیوسر ڈرامہ انڈسٹری میں انٹری

لاہور میں ان دنوں سماجی موضوع پر مبنی ڈرامہ سیریل ’حاصل لا حاصل‘ کی شوٹنگ جاری ہے۔

ڈرامہ سیریل میں اداکارہ منشا پاشا اور اداکار آغا علی مرکزی کردار نبھارہے ہیں جبکہ اداکار عمران اشرف کے چھوٹے بھائی اداکار عباس اشرف اور اداکارہ صرحا اصغر بھی ڈرامہ سیریل کا حصہ ہیں۔

اس کے علاوہ اداکارہ صائمہ سلیم اور اداکار خالد بٹ جیسے سینئر فنکاروں کو بھی ڈرامہ میں دیکھا جاسکے گا۔

ڈرامے کی کہانی خاندانی رشتوں کے گرد گھومتی ہے، اس ڈرامہ سیریل کو خرم ریاض اور ارم جہانگیر اعوان مل کر پروڈیوس کررہے ہیں۔

برطانیہ سے اعلی تعلیم یافتہ ارم جہانگیر اعوان جنہوں نے بطور پروڈیوسر ڈرامہ سیریل حاصل لا حاصل سے انڈسٹری میں ڈیبیو کیا ہے بول سے گفتگو میں کہتی ہے کہ ان کا شوبز سے کوئی تعلق نہیں مگر انڈسٹری میں قدم رکھ کر معلوم ہوا کہ یہاں لوگ کتنی حوصلہ افزائی کرتے ہیں۔

ڈرامہ میں منشا پاشا بطور وکیل کردار نبھا رہی ہیں جبکہ آغا علی بطور لکھاری منفی کردار میں نظر آئیں گے۔

ڈرامہ سیریل نامور ہدایت کار دلاور ملک کی زیر سرپرستی تیار کیا جارہے جو لنڈا بازار، بوٹا فرام ٹوبا ٹیک سنگھ جیسے مشہور ڈرامہ سیریل کے ڈائریکٹر بھی رہ چکے ہیں۔

ڈرامہ سیریل حاصل لا حاصل 30 قسطوں پر مبنی ہے جسے سوشل میڈیا پلیٹ فارم پر ریلیز کیا جائے گا۔